- મીરા ચોપડાએ છેલ્લા 10 દિવસમાં પોતાના બંને ભાઈઓને ગુમાવ્યા
- કોરોનના કારણે નથી મર્યા મારા ભાઈઓ
- સરકારથી ઘણી નિરાશ થઈ મીરા
મીરા ચોપડાએ છેલ્લા 10 દિવસમાં પોતાના બંને ભાઈઓને ગુમાવ્યા
બૉલીવુડ એક્ટ્રેસ મીરા ચોપડાએ છેલ્લા 10 દિવસમાં પોતાના બંને ભાઈઓને કોરોનાને કારણે પોતાની જિંદગીમાંથી ગુમાવી દીધા છે. અને તેના દુખમાં તેણે સરકાર પ્રત્યે પોતાનો રોષ વ્યક્ત કર્યો છે અને કહ્યું છે કે માત્રને માત્ર ખરાબ સ્વાસ્થ્ય વ્યવસ્થાને લીધે મારા ભાઈઓનાં મોત થયા છે. ભારતમાં કોરોનાંની બીજી લહેરમાં દરેકે પોતાના સ્વજન કે મિત્રને ગુમાવ્યા છે. અને આ લહેરમાં ઍક્ટ્રેસ પ્રિયંકા ચોપરાની પિતરાઇ બહેન મીરા ચોપરાએ છેલ્લા 10 દિવસમાં પોતાના બંને ભાઈઓને ગુમાવી દીધા છે. આ ઘટનાથી તે અત્યંત દુખી થઈ અને તેણે સરકાર પર આક્ષેપ કર્યા હતા.
કોરોનના કારણે નથી મર્યા મારા ભાઈઓ
મીરાએ લખ્યું હતું કે "હું મારા સૌથી નજીકના બે કઝીન ભાઈઓને ગુમાવી ચૂકી છું. પણ તેમના મોત કોરોનાથી નથી થયા, પણ આ દેશમાં રહેલી ખરાબ સ્વાસ્થ્ય વ્યવસ્થાને કારણે થયા છે. મારા પહેલા ભાઈને બેંગલોરમાં 2 દિવસ સુધી ICU બેડ મળ્યો નહીં અને બીજા ભાઇનું મોત ક્સિજન લેવલ ઘટી જવાને કારણે થયું. તે બંને ની ઉંમર 40 વર્ષથી વધુ હતી. તેણે દુખ સાથે જણાવ્યું કે આ ઘણું નિરાશાજનક હતું અને હું તેમણે બચાવવા માટે કઈ કરી શકી નહીં. હું હજી પણ ડરી રહી છું કે આગળ શું શું થવાનું છે. દરેક જિંદગીઓ આપણા હાથમાંથી સરકી રહી છે. તમે કોઈને બચાવવા અથાગ મહેનત કરો છો તેમ છતાં પણ તમે કોઈને બચાવી નથી શકતા"
સરકારથી ઘણી નિરાશ થઈ મીરા
સરકાર પર આક્ષેપ કરતાં તેણે લખ્યું છે કે "પહેલી વાર મને આટલો ગુસ્સો આવી રહ્યો છે કારણકે મને લાગે છે આપણો દેશ હવે ખાડામાં જઈ રહ્યો છે. આપણે ઑક્સીજન, બેડ, દવાઓ અને ઇન્જેકશનની સગવડ કરવાની હતી, સરકારે આ કામ આપણા માટે કરવાનું હતું પણ સરકાર લોકોને બચવવામાં સાવ નિષ્ફળ રહી છે. ગયા વર્ષે લોકડાઉન કર્યા બાદ સરકારે મેડિકલ ઇન્ફ્રાસ્ટ્રકચર ઊભું કરવાની જરૂર હતી. તેમ છતાંય સરકારે કઈ કર્યું નહીં અને કોરોનાની બીજી લહેરમાં તેના પરિણામો દેખાયા. લોકો આ વાયરસને મજાકમાં ના લે અને પોતાનું ધ્યાન રાખે તેવી વાત પણ લખી.
મીરાએ "લંડન 1920" ફિલ્મમાં કામ કર્યું છે.
