VIDEO / 'નહીં સાંખી લેવાય' ગુજરાતના ગૌરવંતા ગરબાનું હળહળતું અપમાન, વડોદરા એરપોર્ટનો વીડિયો જોઈ લોહી ઉકળી જશે

વડોદરામાં એરપોર્ટ ખાતે પથરાયેલી કારપેટને લઇ વિવાદ વકર્યો છે. એરપોર્ટ પર જે કારપેટ મુકાઈ છે, જેમાં ગરબાને પ્રસ્તુત કરતા ખેલૈયાની કૃતિ પ્રિન્ટ કરાઈ છે. જેને લઈ સામાજિક આગેવાનનો  દાવો કરી રહ્યાં છે, આ કારપેટ પરથી ચાલીને જવાનું હોય છે જેથી આ ગરબાનું અને ખેલૈયાનું અપમાન સમાન ગણાય છે.

'ગરબે રમતા ખેલૈયાની કૃતિ પર પગ મુકે તે સાંખી ન લેવાય'
અત્રે જણાવીએ કે, કારપેટમાં ગુજરાતની ઓળખ સમાન ગરબાનું અપમાન કર્યાનો સામાજિક આગેવાનનો દાવો કરી રહ્યાં છે. તેઓ કહે છે કે, ગરબે રમતા ખેલૈયાની કૃતિ પર પગ મુકે તે સાંખી ન લેવાય. સાત દિવસમાં ગરબાની કૃતિ વાળી કારપેટ હટાવી લેવા ઓથોરિટીને અલ્ટીમેટમ આપવામાં આવ્યું છે. કારપેટ દુર ન કરાય તો આંદોલન સાથે કાર્યવાહીની ચીમકી પણ ઉચ્ચારી છે.

વાંચવા જેવું: લોકસભા પહેલા કોંગ્રેસ સાફ: વધુ એક પૂર્વ ધારાસભ્યની ભાજપમાં એન્ટ્રી, અમરેલી, પોરબંદરમાં પણ મોટું ભંગાણ

'આ નહી હટાવે તો આંદોલન પણ કરીશું'
સમાજિક કાર્યકરે જણાવ્યું કે, દુ:ખ સાથે કહેવું પડે છે કે, વડોદરા એરપોર્ટ ઓથોરિટી બેદરકારી સામે આવી છે. જ્યાં પ્લેન ઉતરે છે ત્યાંથી લઈને છેક ફ્લાય વોક સુધી જે ગરબાની પ્રતિકૃતિવાળી જે કારપેટ મુકવામાં આવી છે, જેના પર લોકો ચાલે છે પગ પણ મુકે છે. ગરબોએ ભક્તિ અને આસ્થાનું કેન્દ્ર છે તેવા ગરબાનું અપમાન કરવામા આવ્યું છે. વધુમાં કહ્યું કે, અમે ઓથોરિટીને ધ્યાનમાં પણ દોર્યું છે. આગામી સમયમાં આ નહી હટાવે તો આંદોલન પણ કરીશું 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો