- પાક. ક્રિકેટર મોહમ્મદ રિઝવાનની મુસિબતમાં વધારો
- ભારતીય વકીલે ક્રિકેટર વિરોધી ફરિયાદ દાખલ કરી
- મેચ દરમિયાન મેદાનમાં નમાઝ અદા કરવા અંગે ફરિયાદ
વર્લ્ડ કપ 2023: પાકિસ્તાનનાં વિકેટકીપર તેમજ બેટ્સમેન મોહમ્મદ રિઝવાનની મુસિબતમાં વધારો થયો છે. હાલમાં હૈદરાબાદમાં નેધરલેન્ડ સામેની મેચ દરમિયાન ક્રિકેટના મેદાનમાં નમાઝ પઢવા બદલ મોહમ્મદ રિઝવાન સામે ફરિયાદ દાખલ કરવામાં આવી હતી. ભારતની SCના વકીલ વિનીત જિંદાલે ICCને પત્ર લખીને કહ્યું કે મેચ દરમિયાન રિઝવાનનાં નમાઝ પઢવાથી ખેલની ભાવના પર સવાલો ઊભા થાય છે.
ફરિયાદમાં શું લખ્યું?
વિનીત જિંદલે ICCનાં ચેરમેન ગ્રેગ બાર્કલેને ફરિયાદ સોંપી હતી જેમાં તેમણે લખ્યું હતું કે આ પાકિસ્તાનનાં ક્રિકેટ ખેલાડી મોહમ્મદ રિઝવાન વિષયક ફરિયાદ છે. જેઓ શુક્રવાર (6 ઑક્ટોબર)નાં હૈદ્રાબાદમાં નેધરલેન્ડની સામે ચાલી રહેલ ICC મેન્સ વનડે વર્લ્ડ કપ 2023ની પોતાની ટીમની શરૂઆતી મેચ દરમિયાન ક્રિકેટ મેદાન પર નમાજ અદા કરતાં જોવા મળ્યાં હતાં. ક્રિકેટનાં મેદાન પર અનેક ભારતીયોની વચ્ચે નમાજ અદા કરવાનું મોહમ્મદ રિઝવાનનું કૃત્ય તેમના ધર્મનું જાણીજોઈને કરવામાં આવેલું ચિત્રણ પ્રતીક છે જે ખેલની ભાવના પર સવાલો પેદા કરે છે.
પોતાના ટ્વીટર હેન્ડલ પર કરી પોસ્ટ
વકીલ વિનીત જિંદલે X પર લખ્યું કે,' ખેલની ભાવનાને જીવંત રાખવા માટે... એડવોકેટ વિનીત જિંદાલે 6 ઓક્ટોબર 2023 નાં રોજ ક્રિકેટ મેચ દરમિયાન "નમાઝ" અદા કરવા બદલ પાકિસ્તાન ક્રિકેટ ટીમના વિકેટકીપર અને બેટ્સમેન મોહમ્મદ રિઝવાન વિરુદ્ધ આંતરરાષ્ટ્રીય ક્રિકેટ પરિષદમાં ફરિયાદ દાખલ કરી છે.'
