પીપરડી ગામની વિદ્યાથીનીના વાયરલ વીડિયોથી ખળભળાટ મચી ગયો છે. ત્યારે વાયરલ વીડિયોમાં યુવતિ પોતાની સાથે દુષ્કર્મનો પ્રયાસ થયો હોય તેમ જણાવી રહી છે. આ મામલે પોલીસ દ્વારા તપાસ શરૂ કરી દેવામાં આવી છે.
Share
પીપરડી ગામની વિદ્યાથીનીના વાયરલ વીડિયોથી ખળભળાટ
વાયરલ વીડિયોમાં વિદ્યાર્થીનીએ જણાવી આપવીતી
પોતાની સાથે દુષ્કર્મનો પ્રયાસ થયો હોવાનો કર્યો ઉલ્લેખ
બોટાદનાં પીંપરડી ગામની વિદ્યાર્થીનીનો વીડિયો વાયરલ થતા ખળભળાટ મચી જવા પામ્યો છે. ત્યારે વાયરલ વીડિયોમાં વિદ્યાર્થીની આપવીતી જણાવી રહી છે. વીડિયોમાં યુવતિ પોતાની સાથે દુષ્કર્મનો પ્રયાસ થયો હોવાનો ઉલ્લેખ કર્યો છે. 10 એપ્રિલે 4 શખ્શોએ વિદ્યાર્થીનીનાં કપડા ફાટી નાંખ્યો હતો. માતા પિતા વગરની દિકરીએ સમાજનો લોકોને સહારો માંગ્યો હતો. પરંતું મારા સમાજનાં લોકોએ મને સહકાર નથી આપ્યો તેનો પણ ઉલ્લેખ કર્યો છે. ત્યારે ન્યાય નહી મળે તો આપઘાતની પણ વિદ્યર્થીનીએ ચીમકી ઉચ્ચારી હતી.
મહર્ષિ રાવલ (DySP બોટાદ)
પોલીસ સમગ્ર મામલે યોગ્ય કાર્યવાહી કરશે : DySP
વિદ્યાર્થીનીનાં આ વાયરલ વીડિયો બાબતે DySP એ પ્રતિક્રિયા આપતા જણાવ્યું હતું કે, પીંપરડી ગામે 10 એપ્રિલે ડાક ડમરૂનો કાર્યક્રમ હતો. વિદ્યાર્થીનીએ ગામ લોકો વચ્ચે બોલાચાલી થયેલ તે બાબતે અરજી મળી હતી. શખ્શો વિરૂદ્ધ અને અરજદાર વિરૂદ્ધ અટકાયતી પગલાં લેવામાં આવ્યા છે. પોલીસે સમગ્ર મામલે યોગ્ય કાર્યવાહિ કરશે તેમ DySP એ જણાવ્યું હતું.
ભુપતભાઈ ડાભી (અખિલ ભારતીય કોળી સમાજ)
અમે દિકરીને ન્યાય મળે તે માટે અથાગ પ્રયત્ન કરીશુંઃ ભુપતભાઈ ડાભી
ત્યારે આ બાબતે અખિલ ભારતીય કોળી સમાજના પ્રમુખ ભુપતભાઈ ડાભીએ જણાવ્યું હતું કે, આ ઘટનાને પહેલા તો હું વખોડું છું. આવું કોઈ પણ દિકરીને થવું ન જોઈએ. કોળી સમાજ હોય કે અન્ય સમાજની દિકરી હોય ત્યારે મીડિયાનાં માધ્યમથી એવું જાણવા મળ્યું છે કે એક દિકરી વ્યથા વ્યક્ત કરે છે. આ ઘટનાની તટસ્થ તપાસ થાય. તેમજ આ છોકરીને ન્યાય મળે તે માટે અથાગ પ્રયત્ન કરશું.
