હિંસક અથડામણ / સુડાનમાં તંગદિલીના કારણે ગૃહયુદ્ધ ફાટી નીકળ્યું: 47 મોતને ભેટ્યાં, ઘાયલનો આંક 380ને પાર

• સુડાનમાં એક હિંસક અથડામણમાં 47 લોકો માર્યા ગયા 
• સુડાન ડોક્ટર્સ એસોસિએશન મુજબ અથડામણમાં 380 ઘાયલ 
• મૃત્યુ પામનારાઓમાં સંયુક્ત રાષ્ટ્રના ત્રણ કર્મચારીઓ પણ સામેલ

સુડાનમાં એક હિંસક અથડામણમાં ઓછામાં ઓછા 47 લોકો માર્યા ગયા હોવાનું સામે આવ્યું છે. વાત જાણે એમ છે કે, સુડાન ડોક્ટર્સ એસોસિએશને જણાવ્યું હતું કે, દેશમાં હિંસક અથડામણમાં ઓછામાં ઓછા 47 લોકો માર્યા ગયા છે અને 380 ઘાયલ થયા છે. જો મીડિયા રિપોર્ટ્સનું માનીએ તો મૃત્યુ પામનારાઓમાં સંયુક્ત રાષ્ટ્રના ત્રણ કર્મચારીઓ પણ સામેલ છે. 

સુડાનના સશસ્ત્ર જૂથ કે જે દેશમાં સત્તા કબજે કરવા માટે સેના સાથે યુદ્ધમાં કૂદી ગયું છે ટએ રેપિડ સપોર્ટ ફોર્સિસે (RSF) દાવો કર્યો છે કે, તેમણે ખાર્તુમમાં દેશના રાષ્ટ્રપતિ મહેલ તેમજ ત્રણ એરપોર્ટ પર કબજો કરી લીધો છે. વૈશ્વિક સમુદાયે ગૃહયુદ્ધમાં ફસાયેલા સુદાનની સ્થિતિ પર ચિંતા વ્યક્ત કરી છે અને તમામ પક્ષોને હિંસા રોકવા વિનંતી કરી છે.

At least 25 people killed, 183 injured in Sudan clashes, toll likely to rise

Read @ANI Story | https://t.co/YeGrvXVcjF#SudanClashes #paramilitary #Khartoum pic.twitter.com/rXACJ3l8WX

— ANI Digital (@ani_digital) April 15, 2023

સુડાનની રાજધાની ખાર્તુમમાં રાષ્ટ્રપતિ મહેલ, સરકારી ટીવી અને આર્મી હેડક્વાર્ટરમાં સેના અને તેના હરીફ જૂથ રેપિડ સપોર્ટ ફોર્સિસ (RSF) વચ્ચે ભીષણ લડાઈ ચાલી રહી હતી. માર્યા ગયેલા લોકોમાં યુએનના ત્રણ કર્મચારીઓનો સમાવેશ થાય છે, જેમને લશ્કરી થાણા પર બંને પક્ષો વચ્ચે ગોળીબાર બાદ ગોળી વાગી હતી. નાગરિક શાસનના પ્રસ્તાવિત ફેરફારને લઈને બંને પક્ષો વચ્ચે તણાવ વધ્યા પછી હિંસક અથડામણ થઈ હતી. સેના અને તેના હરીફ રેપિડ સપોર્ટ ફોર્સિસ (RSF) બંનેએ ખાર્તુમમાં એરપોર્ટ અને અન્ય મુખ્ય સ્થળો પર ફરીથી નિયંત્રણ મેળવવાનો દાવો કર્યો હતો. આ જગ્યાઓ કબજે કરવા માટે આખી રાત લડાઈ ચાલુ રહી.

NOTICE TO ALL INDIANS

IN VIEW OF REPORTED FIRINGS AND CLASHES, ALL INDIANS in Sudan ARE ADVISED TO TAKE UTMOST PRECAUTIONS, STAY INDOORS AND STOP VENTURING OUTSIDE WITH IMMEDIATE EFFECT.

— India in Sudan (@EoI_Khartoum) April 15, 2023

સુડાનના ડારફુર પ્રદેશના શહેરો સહિત દેશમાં અન્યત્ર પણ હિંસા નોંધાઈ છે. સેનાએ કહ્યું કે, જેટ વિમાનો RSFની જગ્યાઓ પર હુમલો કરી રહ્યા છે. સુદાન વાયુસેનાએ શનિવારે રાત્રે લોકોને તેમના ઘરોમાં જ રહેવા કહ્યું હતું. ખાર્તુમના રહેવાસીઓ સતત આતંક અને ભયમાં જીવવા માટે મજબૂર છે. તેમની બાજુના ઘરોમાં ગોળીબારનો અવાજ સતત સંભળાતો હતો. વર્લ્ડ ફૂડ પ્રોગ્રામ (WFP) અનુસા  RSFએ તેમના ઘણા વાહનો લૂંટી લીધા છે.