મહામંથન / ફાઈનલમાં ઓસ્ટ્રેલિયાને હરાવીને ભારત લઈ શકશે 2003નો બદલો? જીત માટે કોનું પલડું ભારે, શું કહે છે આગાહીઓ

કશ્મીરથી કન્યાકુમારી સુધીના ક્રિકેટ ફેન્સ આવતીકાલ એટલે 19 નવેમ્બરની રાહ જોઈ રહ્યા છે.  આવતીકાલે બપોરે 2 વાગ્યે વર્લ્ડકપનો સૌથી મોટો અને ફાઈનલ મેચ છે. આ વખતે ફાઈનલમાં ભારતનોએ ટીમ સાથે મુકાબલો છે.  જેણે અત્યાર સુધીમાં સૌથી વધુ વર્લ્ડકપ જીત્યા છે. વર્લ્ડકપમાં અત્યાર સુધી એક પણ મેચ ન હારેલી ભારતીય ટીમનો મુકાબલો ઓસ્ટ્રેલિયા સાથે થશે. એટલે ભારત અને ઓસ્ટ્રેલિયા વચ્ચે આવતીકાલે ટક્કર થશે.  જ્યોતિષ શાસ્ત્ર મુજબ ઓસ્ટ્રેલિયાની સામે ભારતીય ટીમનો પલડું વધુ ભારે લાગે છે. જોકે મેચ કોણ જીતશે તે તો આવતીકાલની ફાઈનલ મેચના પરિણામ બાદ જ જાણી શકાશે. ત્યારે સવાલ એ છે કે, શું રોહિત શર્માની ટીમ કાંગારુ ટીમ પાસેથી 2 દશક પહેલાનો લઈ શકશે બદલો? 

Skippers credit teammates stepping up in their roles for the run to #CWC23 final 💪#INDvAUShttps://t.co/plied5nQfp

— ICC Cricket World Cup (@cricketworldcup) November 18, 2023

મેચમાં કોણ બનશે મહેમાન?
વર્લ્ડ કપની ફાઈનલ મેચ જોવા માટે પ્રધાન મંત્રી નરેન્દ્ર મોદી, ગૃહમંત્રી અમિત શાહ, ઓસ્ટ્રેલિયાનાં ડેપ્યુટી વડાપ્રધાન અને ઓસ્ટ્રેલિયન ડેલિગેશન, સુપ્રિમ કોર્ટ અને ગુજરાત હાઈકોર્ટનાં જસ્ટિસ અને ફોર્મર જસ્ટિસ, સિંગાપોર, યુએસ, UAE  ના એમ્બેસેડર, 8 થી વધુ રાજ્યોમાં મુખ્યમંત્રી, ઉદ્યોગપતિ લક્ષ્મી મિત્તલ અને તેમનો પરિવારત નીતા અંબાણી અને તેમનો પરિવાર, કેન્દ્રીય મંત્રી અનુરાગ ઠાકુર, જ્યોતિ આદિત્ય સિંધિયા, રિઝર્વ બેંક ઓફ ઈન્ડિયાનાં ગર્વનર, ગુજરાત, તમિલનાડું અને અનેક રાજ્યનાં મંત્રીઓ, તમિલનાડુનાં મિનિસ્ટર ફોર યુથ વેલ્ફેર ઉદયનિધિ, અમિતાભ બચ્ચન, રજનીકાંત, કમલ હાસન,  અક્ષય કુમાર, અજય દેવગન, મોહનલાલ, વેંકટેશ, નાગાર્જુન અને રામચરણ આવી શકે છે. 

20 years later, they meet again in the Men's CWC Final 🏆

All about the #CWC23 Final ➡️ https://t.co/2X2VTOnX35 pic.twitter.com/cWOvXV1n8y

— ICC Cricket World Cup (@cricketworldcup) November 18, 2023

મેચને લઇને બંદોબસ્ત કેવો છે?
વર્લ્ડ કપની ફાઈનલ મેચમાં વડાપ્રધાન નરેન્દ્ર મોદી સહિત અનેક VVIP  લોકો આવવાનાં હોઈ સ્ટેડિયમની અંદર તથા બહાર ચાંપતો બંદોબસ્ત ગોઠવવામાં આવ્યો છે. જેમાં 19 DCP, 41 ACP, 112 PI, 318 PSI, 5657 પોલીસકર્મી, એસઆરપીની 3 કંપની, 500 હોમગાર્ડ જવાનો તૈનાત રહેશે. તેમજ તે સિવાય 3 NSG  ટીમ, 5 QR  ટીમ, 2 ચેતક કમાન્ડની ટીમ, 1 એન્ટી ડ્રોન ટીમ, કોમ્યુનલ સેન્સેટીવ પોઈન્ટ પર 51 SI, 1218 પોલીસ કર્મચારીઓ, એસઆરપીની 10 કંપની તેમજ 4 હજાર હોમગાર્ડ જવાનો ખડેપગે રહેશે. 

ભારત VS ઓસ્ટ્રેલિયા 
ભારત-ઓસ્ટ્રેલિયા વચ્ચે અત્યાર સુધી કુલ 150 વનડે મેચ રમાઈ છે. જેમાંથી ભારત 57 મેચ જીત્યું છે. જ્યારે ઓસ્ટ્રેલિયા 83 મેચ જીત્યું છે. જ્યારે એક પણ મેચમાં ટાઈ પડી નથી. જ્યારે 10 મેચનું કોઈ પરિણામ નહી. 

વર્લ્ડકપમાં ભારત-ઓસ્ટ્રેલિયા
વર્લ્ડ કપમાં ભારત-ઓસ્ટ્રેલિયા કુલ 13 મેચ રમ્યા છે. જેમાંથી ભારત 5 મેચ જીત્યું છે. જ્યારે ઓસ્ટ્રેલિયા 8 મેચ જીત્યું છે. 
 

Craze outside Narendra Modi Stadium 24 hours before the Final. pic.twitter.com/BJSfhNr74B

— Mufaddal Vohra (@mufaddal_vohra) November 18, 2023

ભારત કેમ ચેમ્પિયન બનવામાં દાવેદાર?
વર્લ્ડકપ 2023માં ભારતનું પલડું ભારે છે.  ભારતીય ખેલાડીઓ શાનદાર ફોર્મમાં છે.  ભારતીય ટીમ સતત 10 મેચ જીતી ફાઇનલમાં પહોંચી છે.  કોહલી આ વર્લ્ડ કપમાં સૌથી વધુ રન બનાવનારો બેટર છે.  મોહમ્મદ શમી લીડિંગ વિકેટ-ટેકર બોલર છે.  શ્રેયસ અય્યરે પણ સતત બે સદી ફટકારી છે.  કે.એલ. રાહુલે ખરા સમયે શાનદાર ઇનિંગ રમી હતી.  બુમરાહ, સિરાજ, જાડેજા, કુલદીપ પણ મહત્વનો રોલ નિભાવી રહ્યા છે. રોહિતે કેપ્ટનશિપની સાથે સાથે બેટિંગમાં કમાલ દેખાડ્યો હતો.