ભરતી / 10-12 પાસ માટે નીકળી સરકારી ભરતી, એક ક્લિકમાં જાણો કઈ પોસ્ટ, કેટલી જગ્યા અને અરજીની પ્રક્રિયા

સ્ટાફ સિલેક્શન કમિશન (SSC) એ કેન્દ્ર સરકારના વિવિધ વિભાગોમાં ખાલી પડેલી જગ્યાઓ ભરવા માટે સિલેક્શન પોસ્ટ ફેઝ-12 ભરતીની સૂચના બહાર પાડી છે. કેન્દ્ર સરકારના વિવિધ વિભાગોમાં 2049  પોસ્ટ માટે ભરતીની જાહેરાત કરવામાં આવી છે.  ઓનલાઈન અરજીઓ ssc.nic.in પર 26 ફેબ્રુઆરી 2024 થી શરૂ થઈ ગઈ છે. ઉમેદવારો 18 માર્ચ 2024 સુધી નોંધણી કરાવી શકે છે. 19 માર્ચ સુધીમાં ઓનલાઈન ફી જમા કરાવવાની રહેશે. અરજદારો 22 માર્ચ અને 24 માર્ચ, 2024 ની વચ્ચે તેમના ઑનલાઇન અરજી ફોર્મમાં સુધારો કરી શકશે. ખાલી પડેલી જગ્યાઓમાં સબ ઈન્સ્પેક્ટર ફિંગ ફ્રન્ટની 20 જગ્યાઓ પણ છે.

શૈક્ષણિક લાયકાત 

કેટલીક જગ્યાઓ માટે 10મું પાસ લાયકાત માંગવામાં આવી છે. કેટલાક માટે, લાયકાત 12 પાસ તરીકે નક્કી કરવામાં આવી છે અને અન્ય માટે, ગ્રેજ્યુએશન અને તેથી વધુ. પાત્રતા સંબંધિત વિગતવાર માહિતી માટે આપ નિચેની લિંકનો ઉપયોગ કરી શકો છો 

https://ssc.gov.in/api/attachment/uploads/masterData/NoticeBoards/Phase-XII_Notification_2024_26022024.pdf

ઉંમર મર્યાદા 

વિવિધ પોસ્ટ્સ માટે જુદી જુદી વય મર્યાદા નક્કી કરવામાં આવી છે. 18 વર્ષથી 42 વર્ષની વચ્ચેના ઉમેદવારો અરજી કરી શકે છે. SC અને ST કેટેગરીના ઉમેદવારોને વયમાં પાંચ વર્ષની છૂટછાટ મળશે અને OBCને ત્રણ વર્ષની છૂટ મળશે.

આ પણ વાંચોઃ દિલ્હીમાં AAP પાર્ટીએ લોકસભાના 4 ઉમેદવારની કરી જાહેરાત, કોંગ્રેસના જૂના જોગી પર પણ દાવ

અરજી ફી – રૂ. 100

SSC એ ભરતી સંબંધિત કોઈપણ પ્રશ્ન પૂછવા માટે હેલ્પલાઈન નંબર 18003093063 પણ જારી કર્યો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો