લો બોલો..! / બે ફેરા પછી દુલ્હને લગ્ન કરવાનો કર્યો ઈન્કાર, સમાજની વચ્ચે જે કારણ આપ્યું તે જાણીને ચોંકી જશો

• કન્યાએ કહ્યું કે હું તને પસંદ નથી કરતી
• છોકરીને તેના પરિવારજનોએ પણ તેને સમજાવી
• બંને પક્ષોને પોલીસ સ્ટેશન બોલાવીને મામલો શાંત કરાવ્યો 

લગ્નનો મંડપ તૈયાર હતો તેમાં પંડિતજી મંત્રનો પાઠ કરી રહ્યા હતા... બે ફેરા થઈ ચૂક્યા હતા. પછી કન્યા મક્કમ બની કે તે લગ્ન નહીં કરે. મંડપમાં અચાનક મૌન છવાઇ ગયું. વરરાજાએ પૂછ્યું કે, અચાનક શું થયું તો કન્યાએ કહ્યું કે હું તને પસંદ નથી કરતી. હું લગ્ન નહિ કરી શકું.

છોકરીને તેના પરિવારજનોએ પણ તેને સમજાવી હતી. પરંતુ છોકરી સાંભળવા તૈયાર ન હતી. આ પછી વરરાજા જાન સાથે પાછો ફર્યો. આ મામલો સોનવર્ષા વિસ્તારનો છે. અહીં રહેતી યુવતીના લગ્ન આ વિસ્તારમાં રહેતા છોકરા સાથે નક્કી થયા હતા.

લગ્નમાં આવેલા લોકોની સામે કહ્યું- હવે નહીં લઉં આ વ્યક્તિ સાથે સાત ફેરા 
17મી મેના રોજ જાન આવી અને જાનૈયાઓનું સ્વાગત કરવામાં આવ્યું હતું. વરને વરમાળા પહેરાવ્યા બાદ દુલ્હન સ્ટેજથી ઉતરીને પાછી જતી રહી. આ દરમિયાન કન્યાએ તેના પરિવારના સભ્યોને કહ્યું કે તે છોકરા સાથે લગ્ન કરવા માંગતી નથી.

પરિવારની વારંવારની સમજાવટ બાદ પણ દુલ્હન લગ્ન માટે મંડપમાં આવી હતી. વરરાજા સાથે બે ફેરા પણ લીધા હતા. પરંતુ, આ પછી, તેણીને ખબર ન પડી કે હિંમત ક્યાંથી આવી અને તેણે બધાની સામે જાહેરાત કરી કે તે હવે ફેરા નહીં લે.

છોકરો કાળો છે અને હું તેની સાથે લગ્ન નહીં કરું. આટલું બોલતાં જ મંડપમાં મૌન છવાઈ ગયું. દુલ્હનના લગ્ન માટે ના પાડ્યા બાદ બંને પક્ષના લોકો ચોંકી ઉઠ્યા. આ દરમિયાન જાનમાં સામેલ ગામના વડીલો સહિત અન્ય લોકોએ કન્યાને સમજાવવાનું શરૂ કરી દીધું.

બીજી તરફ, જાતમાં હંગામો ન કરે અને જાન પરત ન ફરે તેની પણ ચિંતા હતી. આથી જાનૈયાના પક્ષના કેટલાક લોકોને છોકરીવાળાને બંધક બનાવી લીધા. પરંતુ કલાકોની સમજાવટ બાદ પણ છોકરી રાજી ન થતાં છોકરીવાળા પક્ષના લોકોએ ભેટ તરીકે પૈસા અને સામાનની માંગણી શરૂ કરી હતી.

બંને પક્ષોને પોલીસ સ્ટેશન બોલાવીને મામલો શાંત કરાવ્યો 
વધતા મામલાને જોઈને કોઈએ પોલીસને જાણ કરી. આ પછી પોલીસ સ્ટેશન ઈન્ચાર્જ અને કો-ટ્રેની ડીએસપી સુચિત્રા કુમારીએ બંને પક્ષોને પોલીસ સ્ટેશન બોલાવ્યા. બંને પક્ષોને સંપૂર્ણ સાંભળ્યા બાદ તેમણે બંને પક્ષોની પરસ્પર સંમતિથી મામલો શાંત પાડ્યો હતો.

બીજી તરફ છોકરાના પિતાએ ભાવુક થઈને કહ્યું કે લગ્ન ચાર મહિના પહેલા નક્કી થયા હતા. અચાનક શું થયું? સાંભળવામાં આવ્યું છે કે છોકરીનું કોઈની સાથે અફેર છે, આ કારણે લગ્ન રદ કરવામાં આવ્યા છે. યુવતીના પક્ષના લોકોએ લગ્નની જાનને પણ બંધક બનાવી લીધી હતી. જોકે, પોલીસે વચ્ચે પડીને બચાવ કર્યો હતો.

બીજી તરફ સામાજિક કાર્યકરે જણાવ્યું કે, બધુ બરાબર ચાલી રહ્યું છે. વરમાળા પણ કરવામાં આવી હતી, પરંતુ ફેરા દરમિયાન યુવતીએ લગ્ન કરવાની ના પાડી દીધી હતી. પોલીસના વચ્ચે આવ્યા બાદ મામલો શાંત પડ્યો હતો.