લોકસભા / જેપી નડ્ડાનું રાજ્યસભામાંથી રાજીનામું, ગુજરાતમાંથી યથાવત, લોકસભા ચૂંટણી પહેલા મોટું પગલું

ભાજપ અધ્યક્ષ જેપી નડ્ડાએ હિમાચલ પ્રદેશથી રાજ્યસભાના સભ્ય પદેથી રાજીનામું આપી દીધું છે કારણ કે તાજેતરમાં તેઓ ગુજરાતમાંથી રાજ્યસભા સાંસદ તરીકે બિનહરીફ ચૂંટાયાં હતા તેથી તેમણે હિમાચલના સાંસદ તરીકે રાજીનામું આપ્યું હતું તેથી હવે તેઓ ગુજરાતમાંથી સાંસદ તરીકે ચાલુ રહેશે. રાજ્યસભાના અધ્યક્ષ જગદીપ ધનખડેએ નડ્ડાનું રાજીનામું સ્વીકારી લીધું છે. રાજ્યસભાના સંસદીય બુલેટિનમાં કહેવામાં આવ્યું છે કે, "હિમાચલ પ્રદેશ રાજ્યનું પ્રતિનિધિત્વ કરતી કાઉન્સિલ ઓફ સ્ટેટ્સ (રાજ્યસભા)ના ચૂંટાયેલા સભ્ય જગત પ્રકાશ નડ્ડાએ રાજ્યસભામાં તેમની બેઠક પરથી રાજીનામું આપ્યું હતું અને તેમનું રાજીનામું 4 માર્ચે રાજ્યસભાના અધ્યક્ષ દ્વારા સ્વીકારવામાં આવ્યું છે.

BJP Chief JP Nadda resigns from Rajya Sabha ahead of Lok Sabha Elections 2024 pic.twitter.com/5j3LCpK3Cp

— IANS (@ians_india) March 4, 2024

ગુજરાતમાંથી રાજ્યસભા સાંસદ તરીકે ચાલુ રહેશે 
જેપી નડ્ડા રાજ્યસભાના 57 સાંસદોમાંના એક છે જેમનો કાર્યકાળ એપ્રિલમાં પૂરો થાય છે. આ પછી તેઓ ગુજરાત બેઠક પરથી રાજ્યસભાના સભ્ય તરીકે શપથ લેશે. ગુજરાતમાંથી ભાજપના ચાર સાંસદ રાજ્યસભામાં ચૂંટાયા છે. 

ગુજરાતમાંથી 4 રાજ્યસભામા ચૂંટાયા 
ગુજરાતમાંથી ભાજપ અધ્યક્ષ જેપી નડ્ડા, જસવંતસિંહ પરમાર, મયંક નાયક અને ગોવિંદભાઈ ધોળકિયા રાજ્યસભામાં ચૂંટાયા છે. 

BJP National President JP Nadda resigns from his position as Rajya Sabha MP and his resignation has been accepted by Rajya Sabha Chairman pic.twitter.com/Nvr8Pg1pFU

— ANI (@ANI) March 4, 2024

જેપી નડ્ડા પર ઉડતી નજર 

• ભાજપના રાષ્ટ્રીય અધ્યક્ષ 
• જે.પી.નડ્ડાનું પુરુ નામ છે જગત પ્રકાશ નડ્ડા
• બિહારના પટનામાં 1960માં જન્મ
• BA અને LLB સુધીનો અભ્યાસ પટનામાંથી 
• શરૂઆતથી જ ABVPના કાર્યકર 
• પ્રથમવાર 1993માં હિમાચલ પ્રદેશથી ધારાસભ્ય ચૂંટાયા 
• રાજ્ય અને કેન્દ્રમાં મંત્રી તરીકેની જવાબદારી નિભાવી 
• 1994થી 1998 સુધી વિધાનસભામાં વિપક્ષના નેતા 
• મોદી સરકારના પહેલા કાર્યકાળમાં આરોગ્ય પ્રધાન હતા