IPL 2024નું સંપૂર્ણ શેડ્યૂલ જાહેર કરવામાં આવ્યું છે. અગાઉ, ભારતીય ક્રિકેટ કંટ્રોલ બોર્ડે પ્રથમ 21 મેચોનું શિડ્યુલ જાહેર કર્યું હતું. સંપૂર્ણ શેડ્યૂલ જાહેર થયા બાદ ચેન્નાઈ સુપર કિંગ્સના ચાહકો માટે એક મોટા સારા સમાચાર સામે આવ્યા છે. BCCIએ 12 વર્ષ બાદ ચેન્નાઈ સુપર કિંગ્સના ચાહકો માટે મોટો નિર્ણય લીધો છે.
CSKના ચાહકોને 12 વર્ષ પછી આ સારા સમાચાર મળ્યા
આઈપીએલની આ સીઝનની શરૂઆત પહેલા એમએસ ધોનીએ CSKની કેપ્ટનશીપ છોડી દીધી હતી. આવી સ્થિતિમાં, માનવામાં આવે છે કે આ ધોનીની છેલ્લી સિઝન હોઈ શકે છે. બીજી તરફ, આ વખતે BCCIએ IPLની ફાઈનલ મેચ ચેન્નાઈના એમએ ચિદમ્બરમ સ્ટેડિયમમાં યોજવાનું નક્કી કર્યું છે. ખાસ વાત એ છે કે IPLમાં 12 વર્ષ બાદ આ પ્રથમ વખત હશે જ્યારે ફાઈનલ મેચ ચેન્નાઈમાં રમાશે. અગાઉ અહીં આઈપીએલ 2012ની ફાઈનલ મેચ યોજાઈ હતી. ત્યારબાદ કોલકાતાની ટીમનો વિજય થયો હતો.
ધોની તેની છેલ્લી આઈપીએલ મેચ ચેન્નાઈમાં રમી શકે છે
CSK તેની છેલ્લી હોમ મેચ રાજસ્થાન રોયલ્સ સામે 12 મેના રોજ રમશે. જો CSK પ્લેઓફ માટે ક્વોલિફાય નહીં થાય તો ઘરઆંગણે આ તેમની છેલ્લી મેચ હશે. બીજી તરફ, જો CSK ક્વોલિફાયર મેચ અથવા એલિમિનેટર મેચ માટે ક્વોલિફાય થાય છે, તો તે આ સિઝનમાં ફરી એકવાર ચેન્નાઈમાં રમતી જોવા મળી શકે છે.
વધુ વાંચો : IPL 2024નું સંપૂર્ણ શિડ્યુઅલ જાહેર, 26 મે ચેન્નાઈમાં રમાશે ફાઈનલ મુકાબલો, જુઓ ક્યારે કઈ મેચ?
IPL 2024 માટે CSKનું સંપૂર્ણ શેડ્યૂલ
- ચેન્નાઈ સુપર કિંગ્સ વિ રોયલ ચેલેન્જર્સ બેંગ્લોર - 22 માર્ચ - 8 PM
- ચેન્નાઈ સુપર કિંગ્સ વિ ગુજરાત ટાઇટન્સ - માર્ચ 26 - સાંજે 7:30
- દિલ્હી કેપિટલ્સ વિ ચેન્નાઈ સુપર કિંગ્સ - માર્ચ 31 - સાંજે 7:30
- સનરાઈઝર્સ હૈદરાબાદ વિ ચેન્નાઈ સુપર કિંગ્સ – 5 એપ્રિલ – સાંજે 7:30 વાગ્યે
- ચેન્નાઈ સુપર કિંગ્સ વિ કોલકાતા નાઈટ રાઈડર્સ - 8 એપ્રિલ - સાંજે 7.30 વાગ્યે
- મુંબઈ ઈન્ડિયન્સ વિ ચેન્નાઈ સુપર કિંગ્સ – 14 એપ્રિલ – સાંજે 7.30 વાગ્યે
- લખનૌ સુપર જાયન્ટ્સ વિ ચેન્નાઈ સુપર કિંગ્સ – 19 એપ્રિલ – સાંજે 7.30 વાગ્યે
- ચેન્નાઈ સુપર કિંગ્સ વિ લખનૌ સુપર જાયન્ટ્સ – 23 એપ્રિલ – સાંજે 7.30 વાગ્યે
- ચેન્નાઈ સુપર કિંગ્સ વિ સનરાઈઝર્સ હૈદરાબાદ - 29 એપ્રિલ - સાંજે 7.30 વાગ્યે
- ચેન્નાઈ સુપર કિંગ્સ વિ પંજાબ કિંગ્સ - 1 મે - સાંજે 7.30 વાગ્યે
- પંજાબ કિંગ્સ વિ ચેન્નાઈ સુપર કિંગ્સ – 5 મે – બપોરે 3.30 વાગ્યે
- ગુજરાત ટાઇટન્સ વિ ચેન્નાઈ સુપર કિંગ્સ - 10મી મે
- ચેન્નાઈ સુપર કિંગ્સ વિ રાજસ્થાન રોયલ્સ – 12 મે – બપોરે 3.30 વાગ્યે
- રોયલ ચેલેન્જર્સ બેંગ્લોર વિ ચેન્નાઈ સુપર કિંગ્સ – 18 મે – સાંજે 7.30 વાગ્યે
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
