મોટા સમાચાર / ભારતમાં મળ્યું કાળું સોનું! આ જગ્યાએ ક્રૂડ ઓઇલના 26 કૂવા, ઉત્પાદન શરૂ

• કૃષ્ણા ગોદાવરી બેસિનમાં 26 તેલના કુવાઓ મળી આવ્યા 
• ફ્લેગશિપ ડીપ વોટર પ્રોજેક્ટમાંથી તેલનું ઉત્પાદન શરૂ કર્યું 
• ક્રૂડ ઓઈલનું ઉત્પાદન દરરોજ 45,000 બેરલ થવાની ધારણા

ઓઇલ એન્ડ નેચરલ ગેસ કોર્પોરેશન (ONGC) એ બંગાળની ખાડીમાં કૃષ્ણા ગોદાવરી બેસિનમાં તેના બહુપ્રતિક્ષિત ફ્લેગશિપ ડીપ વોટર પ્રોજેક્ટમાંથી તેલનું ઉત્પાદન શરૂ કર્યું છે. કંપનીએ આ મોટા પ્રોજેક્ટમાંથી ઉત્પાદન શરૂ કરવામાં ઘણો વિલંબનો સામનો કરવો પડ્યો છે. કંપનીએ જણાવ્યું હતું કે આનાથી તેને ઘણા વર્ષોના ઘટતા ઉત્પાદનના વલણને ઉલટાવામાં મદદ મળશે. કંપનીએ એક નિવેદનમાં જણાવ્યું હતું કે બંગાળની ખાડીમાં ડીપ વોટર KG-DWN-98/2 બ્લોકમાંથી 7 જાન્યુઆરીએ પહેલી વખત તેલ કાઢવામાં આવ્યું હતું. કંપનીએ કહ્યું છે કે તે અહીંથી ધીમે ધીમે ઉત્પાદન વધારશે. તમને જણાવી દઈએ કે કૃષ્ણા ગોદાવરી બેસિનમાં 26 તેલના કુવાઓ મળી આવ્યા છે.

Heartfelt congratulations to @ONGC_ and the incredible team of energy soldiers for successfully extracting the oil from Krishna Godavari Basin.

This field will produce 45,000 barrels per day – a remarkable 7% of our total crude oil and gas production. Exciting times ahead! pic.twitter.com/v8MsK6CgU2

— Hardeep Singh Puri (@HardeepSPuri) January 9, 2024

અત્યાર સુધીમાં કેટલું તેલનું ઉત્પાદન થયું ?

પેટ્રોલિયમ મંત્રી હરદીપ સિંહ પુરીએ સોશિયલ મીડિયા પ્લેટફોર્મ 'X' પર આ બ્લોકમાંથી ઉત્પાદન શરૂ કરવાની જાહેરાત કરી હતી. જો કે, ન તો તેણે અને ન તો કંપનીએ જણાવ્યું કે અત્યાર સુધીમાં કેટલું તેલનું ઉત્પાદન થયું છે. વર્તમાન ઉત્પાદન અંગે કોઈ સંકેત આપ્યા વિના તેમણે કહ્યું કે ક્રૂડ ઓઈલનું ઉત્પાદન દરરોજ 45,000 બેરલ અને ગેસનું ઉત્પાદન 10 મિલિયન ક્યુબિક મીટર પ્રતિ દિવસ રહેવાની ધારણા છે. ONGC એ નિવેદનમાં જણાવ્યું હતું કે 98/2 પ્રોજેક્ટ તેની કુલ તેલ અને ગેસ ઉત્પાદન ક્ષમતામાં અનુક્રમે 11 ટકા અને 15 ટકાનો વધારો કરશે. ONGCએ નાણાકીય વર્ષ 2022-23માં 18.4 મિલિયન ટન ક્રૂડ ઓઈલ અને 20 બિલિયન ક્યુબિક મીટર પ્રતિ દિવસ ગેસનું ઉત્પાદન કર્યું હતું. KG-DWN-98/2 બ્લોક KG બેસિનમાં રિલાયન્સ ઇન્ડસ્ટ્રીઝના KG-D6 બ્લોકની નજીક છે.

વધુ વાંચો : ''પ્રાણ પ્રતિષ્ઠા બાદ રામ મંદિરમાં દર રામનવમીએ જોવા મળશે આ અલૌલિક ઘટના, ટ્રસ્ટીએ કર્યો ખુલાસો

સૌથી પહેલા ક્લસ્ટર-2માં ઉત્પાદન શરૂ થયું 

આ બ્લોક 300-3200 મીટર ઊંડા પાણીમાં આંધ્રપ્રદેશના દરિયાકાંઠે 35 કિમી દૂર સ્થિત છે. આ બ્લોકમાંની શોધને ક્લસ્ટર-1, 2 અને 3માં વહેંચવામાં આવી છે. સૌથી પહેલા ક્લસ્ટર-2માં ઉત્પાદન શરૂ થયું છે. ક્લસ્ટર-2 તેલનું ઉત્પાદન નવેમ્બર 2021 સુધીમાં શરૂ થવાનું હતું, પરંતુ કોવિડ રોગચાળાને કારણે તેમાં વિલંબ થયો હતો. ઓએનજીસીએ પેટાળમાં તેલનું ઉત્પાદન શરૂ કરવા માટે તરતા જહાજ આર્માડા સ્ટર્લિંગ-વીને ભાડે લીધું છે. તેની 70 ટકા માલિકી શાપૂરજી પલોનજી ઓઈલ એન્ડ ગેસ અને 30 ટકા મલેશિયાની બુમી આર્મડાની છે. ONGC એ ક્લસ્ટર-2 તેલ ઉત્પાદન માટે મે 2023ની પ્રથમ સમયમર્યાદા નક્કી કરી હતી. બાદમાં તેને ઓગસ્ટ, 2023, સપ્ટેમ્બર, 2023, ઓક્ટોબર, 2023 અને છેલ્લે ડિસેમ્બર, 2023 સુધી લંબાવવામાં આવ્યું હતું.