ભાવનગર / ખેડૂતોએ જાતમહેનતે બનાવેલા મેથળા બંધારામાં નવા નીરની આવક શરૂ

Hiren

Last Updated: 10:18 PM, 9 August 2019

FOLLOW ON

શેર કરો

ભાવનગરના તળાજાના મેથળા બંધારામાં નવા નીરની આવક શરૂ થઇ છે. સારા વરસાદના કારણે મેથળા બંધારામાં પાણી આવ્યું છે. ખેડૂતોએ પોતાની મહેનતે મેથળા બંધારો બનાવ્યો હતો.

દરિયાના પાણીને અટકાવવા માટે ખેડૂતોએ જાત મહેનતે બંધારો બનાવ્યો હતો. આ બંધારાનું વરસાદી પાણી વહી જતુ અટકાવી શકાય તે પ્રમાણે નિર્માણ કરાયું હતું. ત્યારે મેથળા બંધારામાં પાણી સંગ્રહ થતા ખેડૂતોમાં ખુશીની લહેર જોવા મળી છે.

ભાવનગર જિલ્લાના મેથળા બંધારો બનાવવા વર્ષોથી સરકાર લોલીપોપ આપતી હતી. પરંતુ ના છુટકે લોકોએ હાથોહાથ નિર્માણ કામ શરૂ કર્યું હતું. ગતવર્ષે 6 એપ્રિલ 2018એ મેથળા બંધારો બાંધવાનું કામ 15 ગામના 10 હજારથી વધુ લોકોએ હાથોહાથ મેળવીને કામ કર્યું હતું.

મહત્વનું છે કે, પ્રથમ વખત મેથળા બંધારો બન્યા ત્યારબાદ પાણી આવતા ગાબડુ પડ્યું હતું. ખેડૂતોએ હાર ન માનતા ફરીથી મેથળા બંધારો બાંધવાનું કામ શરૂ કર્યું હતું. ઉપરવાસમાં પડેલા ભારે વરસાદના કારણે બગડ નદીમાં અને નાળાઓમાં ઘોડાપુર આવતા મેથાળા બંધારામાં ગાબડુ પડી ગયું હતું. તેથી ગાબડાને પુરવા ખેડૂતોએ બોરીનો બંધ કરીને બંધારો બાંધ્યો હતો.

ભાવનગર જિલ્લામાં ઓછા વરસાદને કારણે દુષ્કાળ જેવી પરિસ્થિતિનો સામનો કરવો પડી રહ્યો હતો. જ્યારે બીજી બાજુ ભાવનગરને 125 કિલોમીટર લાંબા દરિયાકિનારાને કારણે કાંઠાના વિસ્તારોમાં ખારા પાણીની સમસ્યાના કારણે ખેતી અને જનજીવનને માઠી અસર પડતી હતી. ત્યારે હવે આ મેથળા બંધારામાં નવા નીરની આવક શરૂ થઇ છે. તેથી ખેડૂતોમાં ખુશીની લહેર જોવા મળી રહી છે.

સંકળાયેલા મુદ્દાઓ

Bhavnagar Methla dam farmer gujarat ગુજરાત મેથળા બંધારો Bhavnagar