કાર્યવાહી / લગ્નમાં આ રીતે ડાન્સ કરતાં લોકો ચેતજો! જૂનાગઢમાં બે યુવકો સામે નોંધાઈ FIR

• જૂનાગઢના માંગરોળમાં લગ્નના વરઘોડામાં કાર પર ચઢી ડાન્સ કરવો ભારે પડ્યો
• કાર પર ચઢી જોખમી રીતે ડાન્સ કરતા યુવક સામે પોલીસે કરી કાર્યવાહી
• કામનાથ મહાદેવથી નાઈમ વાવ તરફ જતા વરઘોડામાં જોખમી રીતે કર્યો હતો ડાન્સ
• ડાન્સ કરનાર ઉસ્માન કરૂડ અને કાર ચાલક રિઝવાન મહીડાની પોલીસે કરી અટકાયત

Junagadh News : આપણે ત્યાં લગ્ન પ્રસંગમાં લોકો ખુશીમાંને ખુશીમાં નાચતા-નાચતા અન્ય લોકોના જીવ જોખમમાં મૂકતા હોય છે. જોકે આવી જ એક ઘટનામાં પોલીસ કાર પર ચડી ડાન્સ કરતાં યુવક અને કાર ચાલક સામે ગુનો નોંધી દાખલારૂપ કાર્યવાહી કરી છે. 

વધુ વાંચો: રાજ્યસભા માટે ભાજપના 4 ઉમેદવારોના નામ જાહેર, જે.પી નડ્ડા કરશે ગુજરાતથી ઉમેદવારી

જૂનાગઢના માંગરોળમાં લગ્નના વરઘોડામાં કાર પર ચડી ડાન્સ કરતા યુવક સામે પોલીસ દ્વારા કાર્યવાહી કરાઇ છે. વિગતો મુજબ માંગરોળમાં કામનાથ મહાદેવથી નાઈમવાવ તરફ જતા વરઘોડામાં માનવ જિંદગી જોખમાય તે રીતે એક યુવક કાર પર ચડી ડાન્સ કરી રહ્યો હતો. જેથી પોલીસ ડાન્સ કરતા ઉસ્માન કરૂડ નામના યુવક અને કાર ચાલક રિઝવાન મહીડા સામે પોલીસે કાર્યવાહી કરી અટકાયત કરી હતી. આ સાથે આ બંને યુવક વિરૂદ્ધ અલગ અલગ કલમ લગાવી પોલીસે કાર્યવાહી કરી છે.