ફાયદાની વાત / જલ્દી કરો: જો તમે પણ છો આ સરકારી સ્કીમના લાભાર્થી, તો મળશે રૂ. 5 લાખ સુધીની ફ્રી સારવાર, જાણો પ્રોસેસ

• સરકાર અનેક યોજનાઓ ચલાવી રહી છે
• સરકાર આ યોજનાઓ પાછળ લાખો અને કરોડો રૂપિયાનો ખર્ચ કરે છે.
• આ યોજનાના લાભાર્થીને મળશે ફ્રીમાં સારવાર

સરકાર ગ્રામીણ તેમજ શહેરી વિસ્તારોના લોકો માટે અલગ અલગ કલ્યાણકારી યોજનાઓ ચલાવે છે. સરકાર આ યોજનાઓ પાછળ લાખો અને કરોડો રૂપિયાનો ખર્ચ કરે છે. અનેક યોજનાઓ નાણાંકીય સહાય પૂરી પાડે છે, અનેક એવી યોજનાઓ છે, જેમાં વસ્તુઓ પ્રદાન કરીને સહાય કરવામાં આવે છે. 'આયુષ્માન ભારત પ્રધાનમંત્રી જન આરોગ્ય યોજના- મુખ્યમંત્રી યોજના'માં મફત સારવારની સુવિધા આપવામાં આવે છે. આ યોજના માટે કેવી રીતે અને કોણ અરજી શકશે, તે અંગે અહીંયા જણાવવામાં આવ્યું છે. 

આયુષ્માન કાર્ડ કોણ બનાવી શકે છે?

• નિરાશ્રિત તથા આદિવાસી
• અનુસૂચિત જાતિ અથવા જનજાતિ ધરાવનાર વ્યક્તિ
• ગ્રામીણ રહેવાસી
• કાચુ મકાન ધરાવનાર
• મજૂર
• જમીન ના હોય તે વ્યક્તિ
•  પરિવારની દિવ્યાંગ વ્યક્તિ

શું લાભ આપવામાં આવે છે
આ યોજના માટે પાત્રતા ધરાવનાર વ્યક્તિ અરજી કરે તો તેમનું આયુષ્માન કાર્ડ બનાવવામાં આવે છે. આ કાર્ડ ધરાવનાર વ્યક્તિ 5 લાખ સુધીની મફત સારવાર મેળવી શકે છે. 

કયા ડોક્યુમેન્ટની જરૂર રહેશે

• અરજીકર્તાનું આધારકાર્ડ
• રહેઠાણનું પ્રમાણપત્ર
• રેશનકાર્ડ
• એક એક્ટિવ મોબાઈલ નંબર

આ રીતે કરો અરજી

• અરજી કરવા માટે નજીકના જનસેવા કેન્દ્ર પર જવું
• સંબંધિત અધિકારીને ડોક્યુમેન્ટ આપવા
• ડોક્યુમેન્ટનું વેરિફિકેશન કરવામાં આવશે
• બધા ડોક્યુમેન્ટ યોગ્ય હશે તો થોડા દિવસમાં આયુષ્માન કાર્ડ બની જશે.