Anant Radhika Marriage / અનંત અંબાણી અને રાધિકાનું પ્રિવેડિંગ ફંક્શન: દરરોજ અલગ અલગ હશે થીમ અને ડ્રેસ કોડ, જામનગરમાં કરાશે શણગાર

રિલાયન્સ ઈન્ડસ્ટ્રીઝના ચેરમેન મુકેશ અંબાણીના ઘરે ફરીથી લગ્નની શરણાઈ વાગવાની તૈયારીઓ ચાલી રહી છે. ગુજરાતના જામનગરમાં 1 થી 3 માર્ચ દરમિયાન નાના પુત્ર અનંત અંબાણી અને રાધિકા મર્ચન્ટના પ્રી-વેડિંગ ફેસ્ટિવલનું આયોજન કરવામાં આવશે. 

રિપોર્ટ્સ અનુસાર, આ ત્રણ દિવસનો કાર્યક્રમ ખૂબ જ ભવ્ય થવાનો છે. આ દરમિયાન શહેરને દુલ્હનની જેમ શણગારવામાં આવશે. તેમાં બોલિવૂડ, ક્રિકેટ, બિઝનેસ અને ટેક જગતની તમામ હસ્તીઓ સામેલ થશે. આ આ વર્ષના અત્યાર સુધીના સૌથી ચર્ચિત લગ્નોમાંથી એક બનવા જઈ રહ્યું છે.

અનંત અંબાણી અને રાધિકા મર્ચન્ટની પ્રી-વેડિંગ સેરેમનીની દરેક રાત એક અલગ જ રંગમાં જોવા મળશે. અહેવાલ અનુસાર, દરરોજ સાંજે એક ખાસ થીમ પર આધારિત હશે અને મહેમાનોને એક અનોખો અનુભવ મળશે. 

પ્રથમ રાત્રે, 'એન ઇવનિંગ ઇન એવરલેન્ડ' નામના ઉદ્ઘાટન સમારોહમાં અદભૂત કોકટેલ પાર્ટી સાથે મહેમાનોનું સ્વાગત કરવામાં આવશે. બીજી રાત્રે 'અ વોક ઓન ધ વાઈલ્ડસાઈડ'માં મહેમાનોને સાહસની દુનિયામાં લઈ જવામાં આવશે. આ પછી, સાઉથ એશિયાની પરંપરાઓને દર્શાવવા માટે અદભૂત 'મેલા રૂજ'નું આયોજન કરવામાં આવશે.

પ્રિ-વેડિંગના ત્રીજા અને છેલ્લા દિવસેનો અનુભવ સાવ અલગ જ હશે. સવારની શરૂઆત 'ટસ્કર ટ્રેલ્સ'થી થશે. જેમાં દેશ-વિદેશથી આવનારા મહેમાનો જામનગરના કુદરતી સૌંદર્યને માણશે. આ દિવસની ગ્રાન્ડ ફિનાલે 'હષ્ટાક્ષર' સાથે થશે. તે એક અદભૂત સાંજ હશે અને મહેમાનો પરંપરાગત ભારતીય પોશાકની સુંદરતાના સાક્ષી બનશે.

વધુ વાંચો: જામનગરમાં અનંત અંબાણીનું પ્રિ-વેડિંગ ફંક્શન: ઝૂકરબર્ગથી લઈને બિલ ગેટ્સ અને ઈવાંકા ટ્રમ્પ સુધી, જુઓ મહેમાનું લિસ્ટ

અનંત અને રાધિકાના પ્રી-વેડિંગ ફેસ્ટિવલ માટે, ડ્રેસ કોડ પણ દરેક રાત માટે અલગ થીમ સાથે અલગ હશે. જો કે, એવું કહેવામાં આવી રહ્યું છે કે આયોજકોએ મહેમાનોની સુવિધા અને પસંદગીઓને વધુ મહત્વ આપ્યું છે. આમંત્રણમાં ખાસ લખવામાં આવ્યું છે કે, 'અમે ઈચ્છીએ છીએ કે તમે દરેક ક્ષણનો આનંદ માણો અને જીવનભર મનમાં રહે એવી યાદો બનાવો.' આનો સીધો અર્થ એ છે કે મહેમાનોને તેમની પસંદગીનો ડ્રેસ પહેરવાની છૂટ છે, જેથી તેઓ વધુ આરામદાયક અનુભવી શકે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો