લ્યો બોલો / કોરોનાકાળમાં કોણ શું બગાડી લે..? અમદાવાદની 500 હોસ્પિટલો BU પરમિશન વગર ધમધમે છે, AMC માર્ચમાં કરશે કાર્યવાહી

• BU પરમિશન ન હોવી ભારે પડશે
• રહેણાકના ઘરમાં હોસ્પિટલ હશે તો ભારે પડશે?
• કન્સલ્ટન્ટ રૂમની જગ્યાએ હોસ્પિટલો ગેરકાયદે

અમદવાદની 500 હોસ્પિટલો પર બંધ થવાની તલવાર લટકી રહી છે.કોર્પોરેશન બીયુ પરમિશન ફરજિયાત કરે તો શહેરમાં આવેલી 500 હોસ્પિટલો બંધ થવાની શક્યતા છે. માર્ચ 2022માં 2000 હોસ્પિટલોનું રજીસ્ટ્રેશન રીન્યુ થશે.જેમાંથી 440 હોસ્પિટલો પાસે બીયુ પરમિશન નથી અને કેટલીક હોસ્પિટલો બીયુનું ઉલ્લંઘન કરીને ચાલી રહી છે. ત્યારે હોસ્પિટલોનું રજીસ્ટ્રેશન રીન્યુ કરવામાં બીયુ ફરજિયાત કરવામાં આવે તો 500 હોસ્પિટલો બંધ થઈ શકે છે.

શું થઇ શકે કાર્યવાહી?
સપ્ટેમ્બર 2021માં એએમસીએ બીયુ પરમિશન ના હોવાને કારણે શહેરની 41 હોસ્પિટલોને સીલ કરી હતી.ત્યારે હવે શહેરની વધુ 500 હોસ્પિટલો પર બંધ થવાનો ખતરો તોળાઈ રહ્યો છે.માર્ચમાં એએમસી દ્વારા 2 હજાર હોસ્પિટલનું રજીસ્ટ્રેશન રીન્યુ કરવામાં આવશે.એએમસીએ રજીસ્ટ્રેશન રિન્યુઅલ માટે બીયુ પરમિશન ફરજિયાત કરી છે.આ ઉપરાંત જે હોસ્પિટલો પાસે બીયુ પરમિશન છે તેવી હોસ્પિટલોનું બાંધકામ એએમસીને સબમિટ કરવામાં આવેલા પ્લાન મુજબ છે કે નહીં તેની તપાસ એસ્ટેટ વિભાગ દ્વારા કરવામાં આવશે.એસ્ટેટ વિભગ દ્વારા બીયુ પરમિશનની ચકાસણી કર્યા પછી જ હોસ્પિટલોનું રજીસ્ટ્રેશન રિન્યુઅલ કરવામાં આવશે.2 હજાર માંથી 440 હોસ્પિટલો પાસે બીયુ પરમિશન નથી.જ્યારે ઘણી હોસ્પિટલો બીયુનું ઉલ્લંઘન કરીને ચાલે છે.ત્યારે આવી 500 હોસ્પિટલો બંધ થઈ શકે છે.આ અંગે એએમસીના અધિકારીઓ કઈ કહેવા તૈયાર નથી.ત્યારે વિપક્ષે આક્ષેપ કર્યો છે કે એસ્ટેટ વિભાગના અધિકારીઓ બીયુ અંગે ભ્રષ્ટાચાર કરે છે.

રહેણાંક મકાનોમાં ચાલે છે 100 હોસ્પિટલો
અગાઉ એએમસી દ્વારા ડોક્ટરોને તેમના નિવાસસ્થાને કન્સલ્ટન્ટ રૂમ રાખવાની મંજુરી આપવામાં આવી હતી.જેને લઈને કેટલાક ડોકારોએ રહેણાંક મકાનોમાં હોસ્પિટલો શરૂ કરી દીધી છે.રહેણાંક મકાનો પાસે બીયુ પરમિશન છે પણ તે રહેણાંક માટે છે હોસ્પિટલ માટે નથી.ત્યારે આવી હોસ્પિટલોને રજીસ્ટ્રેશન રિન્યુઅલ કરવામાં મુશ્કેલીઓ પડશે.શહેરમાં અંદાજે 100 જેટલી હોસ્પિટલો રહેણાંક મકાનોમાં ચાલે છે.જ્યારે 440 હોસ્પિટલો પાસે બીયુ પરમિશન નથી.આમ 540 ખાનગી હોસ્પિટલોનું રજીસ્ટ્રેશન રદ્દ થઈ શકે છે.આ અંગે આહનાએ માંગ કરી છે કે જે નવા વિસ્તારો એએમસીમાં સમાવવામાં આવ્યા છે ત્યાં બીયુનો પ્રશ્ન છે.જ્યારે એએમસીમાં નહોતા ત્યારે બીયુની વ્યવસ્થા નહોતી.આ ઉપરાંત કોમર્શિયલ કોમ્પલેક્ષમાં બીયુનો પ્રશ્ન છે તેમાં ડોક્ટરોને બદલે બિલ્ડરો સામે કાર્યવાહી કરવામાં આવે.

BU પરમિશન વીના બિલ્ડિંગોને મંજૂરી કેવી રીતે મળી?
હોસ્પિટલોએ દર વર્ષે માર્ચમાં રજીસ્ટ્રેશન રિન્યુઅલ કરાવવું ફરજીયાત છે.હોસ્પિટલોએ રજીસ્ટ્રેશન રિન્યુઅલ કરવા માટે ઓનલાઇન અરજી કરવી પડશે.અને અરજી કરવા માટે બીયુ પરવાનગી ફરજિયાત છે.ત્યારે આ વર્ષે બીયુ વિનાની અને બીયુનું ઉલ્લંઘન કરતી હોસ્પિટલોનું રજીસ્ટ્રેશન રદ્દ થવાનો ખતરો ઉભો થયો છે.