NULL / VIDEO: અમદાવાદના રોડ-રસ્તા બાબતે મ્યુનિસિપલ કમિશનરે પ્રેસ કોન્ફરન્સ યોજી

અમદાવાદ: અમદાવાદમાં તૂટેલા રોડ બાબતે ગુજરાત હાઇકોર્ટ રાજ્ય સરકાર અને વડાપ્રધાન કાર્યાલય દ્વારા અમદાવાદ મ્યુનિસિપલ કોર્પોરેશન વહીવટી વિભાગને ટકોર કરવામાં આવ્યો હતો. આજે AMC કમિશનર મુકેશ કુમારે રોડ બાબતે મીડીયાને સંબોધી હતી.

જેમાં 15 દિવસમાં શહેરના તમામ રોડ અને રસ્તા તૈયાર કરવાની ખાતરી આપી હતી. આ ઉપરાંત તેમને જણાવ્યુ હતું કે પ્રતિ દિવસ 7 કિ.મીના રોડ બનાવવામાં આવી રહ્યા છે. ગેરંટી પિરીયડમાં કુલ 18 કિ.મી રોડ તૂટ્યા હતા જેમાંથી 11 કિ.મીના રોડ બનાવવામાં આવ્યા છે. અમદાવાદમાં અત્યાર સુધી 26242 મીટર રીસરફેસ 21955 માઇક્રો સરફેસ કરવામાં આવ્યું છે.

તેમને વધુમાં જણાવ્યુ હતું કે 2016માં 800 કિ.મીના રોડ આરઓ પરમિશન એટલે કે શહેરમાં કેબલ નાખવા માટે આપવામાં આવતી પરમીશનને લીધે રોડ તૂટ્યા છે. જેથી કોર્પોરેશને જે તમામ કંપનીઓને વાર્ષિક કામગીરીની વિગત મંગાવી છે અને એક જ વારમાં તમામ કેબલ નાખી દેવાય તેવી વ્યવસ્થા પણ કરવામાં આવશે.