સર્ચ ઓપરેશન / અમદાવાદમાં ITનો સપાટો: વહેલી સવારથી 31 સ્થળો પર ત્રાટકી ITની ટીમ, બાગબાન ગ્રુપ આવ્યું ઝપેટમાં

• અમદાવાદમાં IT વિભાગનું મેગા ઓપરેશન 
• બાગબાન ગ્રુપ પર ITની ટીમના દરોડા 
• કૌશિક, રાજેન્દ્ર અને તેજસ મજેઠીયાને ત્યાં તપાસ

અમદાવાદમાં ઇન્કમટેક્સ વિભાગ દ્વારા મેગા સર્ચ ઓપરેશન હાથ ધરવામાં આવ્યુ છે.  અમદાવાદના લગભગ 31 સ્થળો પર આઇટી દ્વારા સર્ચ ઓપરેશન હાથ ધરવામાં આવ્યુ છે. બાગબાન ગ્રુપ પર આઇટીની ટીમ ત્રાટકી છે. વિવિધ વિસ્તારો અને ઓફિસોમાં તપાસનો ધમધમાટ તેજ કરવામાં આવ્યો છે.

31 સ્થળો પર  ITનું સર્ચ ઓપરેશન

બાગબાન ગ્રુપ સામે આઇટી વિભાગે સર્ચ ઓપરેશન હાથ ધર્યુ છે. આ ગ્રુપ જર્દા, પેકેજિંગ,કન્સ્ટ્રકશન અને FMCG સાથે સંકળાયેલું છે. કૌશિક, રાજેન્દ્ર અને તેજસ મજેઠિયાને ત્યાં તપાસ કરવામાં આવી રહી છે. સિંધુભવન પર આવેલી  ઑફિસ અને બંગલામાં પણ આઇટીની ટીમ તપાસ કરી રહી છે. 

મજેઠિયા બંધુને ત્યાં તપાસ તેજ

બાગબાન ગ્રુપએ તમાકુ વ્યવસાય સાથે સંકળાયેલુ છે. આ ગ્રુપ જર્દા, પેકેજિંગ,કન્સ્ટ્રકશન અને FMCG સાથે સંકળાયેલુ છે એટલે કે આ ગ્રુપની જેટલી પણ ઑફિસો છે ત્યાં આઇટી દ્વાર સર્ચ ઓપરેશન કરવામાં આવી રહ્યું છે.  મજેઠિયા બંધુઓનું બેંક એકાઉન્ટ, બેનામી વ્યવહારો, અપ્રમાણસર મિલકત તથા દસ્તાવેજોને લઇને હાલમાં ચકાસણી કરવામાં આવી રહી છે.. વહેલી સવારથી જ મજેઠિયા બંધુઓને ત્યાં પોલીસ પ્રોટેક્શન સાથે આઇટીના અધિકારીઓ તપાસ કરી રહ્યા છે.