દિલ્હી / હવે AAP ધારાસભ્ય અમાનતુલ્લાહ ખાનની ધરપકડ, દારુ કૌભાંડથી અલગ છે કેસ

દિલ્હી અને પંજાબની શાસક આમ આદમી પાર્ટીની માઠી દશા બેઠી છે. તેના એક પછી એક નેતા અને ધારાસભ્ય ઈડી અને સીબીઆઈની અડફેટે ચઢી રહ્યાં છે. ઈડીએ હવે આમ આદમી પાર્ટીના ધારાસભ્ય અમાનતુલ્લાહ ખાનની ધરપકડ કરી છે. ઈડીએ વકફ બોર્ડના કૌભાંડ કેસમાં અમાનતુલ્લા ખાનની ધરપકડ કરી છે.  અમાનતુલ્લા ખાન પર વકફ બોર્ડમાં નિયુક્તીમાં ગોટાળા કરવાનો આરોપ છે. સુપ્રીમ કોર્ટના આદેશ બાદ  અમાનતુલ્લા ખાન ઈડી સમક્ષ હાજર થયા હતા. ઈડીએ તેમની લગભગ 9 કલાક સુધી પૂછપરછ કરી હતી ત્યાર બાદ તેમની ધરપકડ કરી હતી. પૂછપરછ બાદ ઈડીએ ગુરૂવારે તેની ધરપકડ કરી હતી.

AAP MP Sanjay Singh tweets, "Modi Government is fully engaged in Operation Lotus. False cases are being registered against Ministers and MLAs to arrest them. Preparations are being made by the ED to arrest Amanatullah Khan by fabricating a baseless case against him. The… pic.twitter.com/8NLUA3qUto

— ANI (@ANI) April 18, 2024

અમાનતુલ્લાહ પર શું આરોપ 
આરોપ છે કે અમાનતુલ્લાહ જ્યારે દિલ્હી વકફ બોર્ડના અધ્યક્ષ હતા ત્યારે તેમણે 32 લોકોની ગેરકાયદેસર નિમણૂક કરી હતી. ખાન પર વકફ બોર્ડની સંપત્તિ ગેરકાયદેસર ભાડે આપવાનો પણ આરોપ છે. આ સાથે અમાનતુલ્લાહ ખાનના ઘણા નજીકના મિત્રો પણ આમાં સામેલ હોવાનો આરોપ છે. આ દરમિયાન તેના કેટલાક નજીકના મિત્રોના ઠેકાણા પર દરોડા પાડવામાં આવ્યા હતા જ્યાંથી મોટી માત્રામાં રોકડ મળી આવી હતી.

AAPના કેટલા નેતાઓ જેલમાં 
આમ આદમી પાર્ટીના ઘણા મોટા નેતાઓ પહેલાથી જ જેલમાં છે. દારૂ કૌભાંડ કેસમાં આમ આદમી પાર્ટીના સંયોજક અરવિંદ કેજરીવાલ, પૂર્વ ડેપ્યુટી સીએમ મનીષ સિસોદિયા અને સત્યેન્દ્ર પહેલાથી જ જેલમાં છે. સંજય સિંહ પણ જેલમાં હતા પરંતુ તાજેતરમાં સુપ્રીમ કોર્ટે તેમને જામીન પર છોડી દીધાં હતા. 

સંજયસિંહે મોદી સરકાર પર નિશાન સાધ્યું 
દારુ કૌભાંડમાં તાજેતરમાં જેલમાંથી છૂટેલા AAPના રાજ્યસભા સાંસદ સંજય સિંહે સોશિયલ મીડિયા પર પોસ્ટ કરીને મોદી સરકાર પર નિશાન સાધ્યું છે. સંજય સિંહે 'એક્સ' પોસ્ટ કરીને લખ્યું, "મોદી સરકારે ઓપરેશન લોટસને સંપૂર્ણપણે સક્રિય કરી દીધું છે, મંત્રીઓ અને ધારાસભ્યોની નકલી કેસ કરીને ધરપકડ કરવામાં આવી રહી છે. અમાનતુલ્લાહ ખાન સામે પાયાવિહોણો કેસ કરીને ઈડી તેની ધરપકડ કરવાની તૈયારી કરી રહી છે. સરમુખત્યારશાહી ટૂંક સમયમાં સમાપ્ત થઈ જશે.