લો બોલો! / સુરતમાં ચોરને ચોરે જ લૂંટ્યો! CCTV જોઈને કહેશો આ તો ઑન ધ સ્પોટ કર્મોનું ફળ

• સુરતના લિંબાયત વિસ્તારમાં ચોરને ચોરે લૂંટ્યો
• ચોરી કરી ભાગી રહેલા ચોરને અન્ય ચોરે લૂંટ્યો
• ચોરે કરિયાણાના દુકાનમાંથી કરી હતી 70 હજાર રૂપિયાની ચોરી
• પોલીસે ગુનો નોંધી CCTVના આધારે તપાસ હાથ ધરી

'ચોરનો ભાઈ ઘંટી ચોર' આ કહેવતને ચરિતાર્થ કરતી ઘટના સુરતમાં સામે આવી છે. સુરતના લિંબાયત વિસ્તારમાં ચોરીની વિચિત્ર ઘટના બની છે.  લિંબાયતમાં કરિયાણાની દુકાનમાંથી ચોરી કરીને ભાગી રહેલા ચોરને અન્યને ચોરોએ લૂંટી લીધો હોવાનું સામે આવ્યું છે. 

સમગ્ર ઘટના CCTV કેમેરામાં કેદ થઈ 
સુરતના લિંબાયત વિસ્તારમાં આવેલી એક કરિયાણાની દુકાનમાં ચોરી કરવામાં એક ચોર ઘૂસ્યો હતો. ચોર કરિયાણાના દુકાનમાંથી 70 હજાર રૂપિયાની ચોરીને ભાગી રહ્યો હતો. આ દરમિયાન અન્ય ચોરોએ ચપ્પુ બતાવી આ ચોરને લૂંટી લીધો હતો. સવારે જ્યારે દુકાનના માલિક નૂર મહોમ્મદ શેખ દુકાને પહોંચ્યા ત્યારે તેમને ચોરી થઈ હોવાનું માલુમ પડ્યું હતું. 

પોલીસે ગુનો નોંધી તપાસ હાથ ધરી
જે બાદ તેમણે દુકાનની અંદર અને બહાર લાગેલા સીસીટીવી કેમેરાના ફૂટેજ તપાસતા સમગ્ર ઘટના સામે આવી હતી. આ ચોરીની સમગ્ર ઘટના CCTVમાં કેદ થઈ છે. જે બાદ કરિયાણાની દુકાનાના માલિક દ્વારા આ સમગ્ર મામલે પોલીસને જાણ કરાતા લિંબાયત પોલીસની ટીમ સ્થળ પર દોડી આવી હતી. હાલ પોલીસે ગુનો નોંધી CCTVના આધારે તપાસ હાથ ધરી છે.