- બનાસકાંઠા બનાસડેરીએ દૂધનો ભાવ વધારો જાહેર કર્યો
- 55ની સાધારણ સભામાં ચેરમેન શંકર ચૌધરીની જાહેરાત
- 1852 કરોડનો ભાવ વધારો પશુપાલકો માટે જાહેર
છેલ્લા કેટલાક સમયથી વધી રહેલી મોંઘવારીને કારણે પશુપાલકો પણ ચિંતામાં હતા, પશુ માટેના ખોરાકના કિંમતમાં સતત વધારો થતાં દૂધના ભાવ પરવડે તેમ ન હતા. જો કે ઉત્તર ગુજરાતની સૌથી મોટી બનાસડેરીએ દૂધના ભાવમાં વધારો જાહેર કરતાં પાંચ લાખની વધુ પશુપાલકોના ઘરે ખુશીનો માહોલ જોવા મળી રહ્યો છે. અગાઉ પણ બનાસડેરીએ દૂધના ભાવમાં વધારો જાહેર કર્યો હતો. હાલમાં જ બનાસડેરીની 55મી સાધારણ સભા મળી હતી, જેમાં આ નિર્ણય લેવામાં આવ્યો હતો.
પશુપાલકોને 20.7 ટકા જેટલો ભાવ વધારો
ચેરમેન શંકર ચૌધરીની અધ્યક્ષતામાં બનાસડેરીની 55મી સાધારણ સભા મળી હતી. આ સભામાં ડેરીને લગતાં પ્રશ્નો અંગે ચર્ચા કરવામાં આવી હતી ત્યારબાદ પશુપાલકો માટે મહત્વનો નિર્ણય લેવામાં આવ્યો હતો. આ સભામાં પશુપાલકોને 20.7 ટકા જેટલો ભાવ વધારો આપવાનું નક્કી કરવામાં આવ્યું હતું. કુલ 1852 કરોડનો ભાવ વધારો જાહેર કરવામાં આવ્યો છે. 100 કરોડ મંડળીઓને શેર દીધ આપવામાં આવ્યા છે. જ્યારે 1952 કરોડ રૂપિયાના ભાવ વધારાની જાહેરાત કરવામાં આવી છે.
પાંચ લાખની વધુ પશુપાલકોને સીધો જ ફાયદો થશે
બનાસડેરી દ્વારા કરવામાં આવેલા ભાવ વધારાથી બનાસકાંઠાના પાંચ લાખની વધુ પશુપાલકોને સીધો જ ફાયદો થશે. જે પુશપાલકો બનાસડેરીની મંડળીઓમાં દૂધ ભરાવે છે તેઓને 20.27 ટકા ભાવ વધારાનો લાભ મળશે. સરળ શબ્દોમાં સમજીએ તો જે પશુપાલક 1 લાખનું દૂધ ભરાવતો હશે તેને 20 હજાર ભાવ વધારા પેટે મળશે.
