વિશ્વ / સ્ટાર ક્રિકેટરના મિત્રએ બાફ્યું: પહેલા મોતના સમાચાર આપ્યા, લોકો શ્રદ્ધાંજલિ આપવા લાગ્યા, પછી કહ્યું મેં હાલ જ વાત કરી, એ જીવે છે

• જિમ્બાબ્વેનાં ક્રિકેટરનાં મૃત્યુની ફેલાઈ ફેક ન્યૂઝ
• મિત્ર ખેલાડી હેનરી ઓલંગાએ જ આપી હતી માહિતી
• પાછળથી ટ્વીટ કરીને લખ્યું, 'હીથ સ્ટ્રીક જીવે છે'

Heath streak Alive: જિમ્બાબ્વેનાં દિગ્ગજ ક્રિકેટર હીથ સ્ટ્રીક જીવે છે! બુધવારે સવારે તેમના નિધનની ખબર સૌથી પહેલાં પૂર્વ સાથી ખેલાડી હેનરી ઓલંગાએ સોશિયલ મીડિયા પર આપી હતી. પાછળથી તેમણે પોસ્ટ હટાવી દીધી અને કહ્યું કે તે (સ્ટ્રીક) જીવે છે. 

હેનરી ઓલંગાએ સોશિયલ મીડિયાની પોસ્ટ પર લખ્યું કે દુ:ખદ ખબર આવી છે કે હીથ સ્ટ્રીક હવે બીજી દુનિયામાં જતા રહ્યાં છે. જિમ્બાબ્વે ક્રિકેટનાં મહાન ક્રિકેટરની આત્માને શાંતિ મળે. તમારી સાથે રમવું એક સમ્માનની વાત હતી.' તો સામે પક્ષે સ્ટ્રીકે કહ્યું કે,' હું એ જાણીને ઘણો ચિંતિત છું કે સોશિયલ મીડિયાનાં યુગમાં કોઈનાં નિધનની ખબર પુષ્ટિ કર્યા વગર કોઈ કેવી રીતે ફેલાવી શકે છે.' 

I can confirm that rumours of the demise of Heath Streak have been greatly exaggerated. I just heard from him. The third umpire has called him back. He is very much alive folks. pic.twitter.com/LQs6bcjWSB

— Henry Olonga (@henryolonga) August 23, 2023

પાછળથી કરી સ્પષ્ટતા
ઓલંગાએ ટ્વીટ ડિલીટ કરી દીધું અને થોડીવાર રહીને ફરીએક પોસ્ટમાં કહ્યું કે સ્ટ્રીક જીવિત છે. તેમના નિધનની ખબર ફેલાઈ ગઈ છે. પરંતુ મેં હમણાં જ તેમના સાથે વાત કરી. થર્ડ એમ્પાયરે તેમને પાછા બોલાવી લીધાં છે. તે જીવિત છે.

250થી વધારે ઈંટરનેશનલ મેચ રમી છે
ઓલરાઉંડર સ્ટ્રીકનું ઈંટરનેશનલ કરિયર 12 વર્ષનું છે. તેમણે ઓક્ટોબર 2005માં ઈંટરનેશનલ ક્રિકેટથી સંન્યાસ લઈ લીધો હતો. સ્ટ્રીક 2000થી 2004ની વચ્ચે જિમ્બાબ્વેનાં કેપ્ટન રહ્યાં છે. સ્ટ્રીકે 65 ટેસ્ટ અને 189 વનડે મેચ રમી છે. બંને ફોર્મેટમાં 4933 રન બનાવ્યાં હતાં અને 455 વિકેટ લીધાં હતાં. ટેસ્ટમાં 1990 તો વનડેમાં 2943 રન પોતાને નામ કર્યાં છે.