સુરેન્દ્રનગરના પાટડી તાલુકાનું ઝાડીયાણી કલાકારોના ગામ તરીકે જાણીતું, સાક્ષત સરસ્વતીના આશીર્વાદ હોય તેમ સંગીત કલા સાથે જોડાયેલા વ્યક્તિઓ અહીં તમને ડગલે ને પગલે મળે છે.
આજે વાત એક એવા ગામની કરવાની છે. જ્યાં તમને દરેક ઘરમાંથી સંગીતના સુર રેલાતા સંભળાશે. એક એવું ગામ જ્યા દરેક ઘરમાં તમને કલાકાર મળેશે. સંગીત સાથે આ ગામને અતુટ નાતો છે. આ ગામ છે સુરેન્દ્રનગર જિલ્લાનું ઝાડીયારા ગામ. આ ગામમાં દરેક ઘરમાં એક ગાયક કલાકાર છે.
પાટડી તાલુકાનું ઝાડીયાણીમાં અદભૂત કલા
અમદાવાદ જિલ્લો અને પાટણ જિલ્લાની સરહદે આવેલું આ ગામ છે. સુરેન્દ્રનગર જિલ્લાના પાટડી તાલુકાનું ઝાડીયાણી ગામ. આ ગામની શેરીઓમાં નીકળો એટલે તમને સંગીતની મધુર ધુનો સંભાળય કારણ કે, આ ગમમાં મહિલા, યુવાનો અને બાળકો સૌ કોઈ કલાકાર છે. 2500 લોકોની વસ્તી ધરાવતુ આ ગામ કલાકારોના ગામ તરીકે ઓળખાય છે. ગામમાં કોઈ બહુજ ખ્યાતનામ કલાકાર રહેતો નથી. પરંતુ અહીં જે પણ ઘરમાં જાઓ એકાદ વ્યક્તિ એવો મળી જાય કે કલા સાથે જોડાયેલો હોય. ગામ પર જાણે કે સાક્ષત સરસ્વતીના આશીર્વાદ હોય તેમ સંગીત કલા સાથે જોડાયેલા વ્યક્તિઓ અહીં તમને ડગલે ને પગલે મળે છે.
ઝાડીયાણી ગામ કલાકારના ગામ તરીકે ઓળખાય છે
અહીં ઘરમાં જાઓ તો યુવાનો, યુવતીઓ સંગીતની રમઝટ સાથે જ સંભળાય. શાળામાં બાળકો પણ ગાતા નજરે ચડે છે. ગામની શેરીઓ અને મહોલ્લા સંગીતથી ગુંજતા લાગે, પણ કરૂણતા એટલી કે કોઈ કલાકાર ખૂબ મોટી નામના મેળવી શક્યો નથી. આ એવું ગામ છે જ્યાં દરેક ઘરમાં કલાકાર છે, જો કે વિશેષતા એ છે કે આ ગાયકોએ ક્યાંયથી તાલીમ લીધી નથી. તેમના વડીલો પણ ગાયક હતી અને તેમની પાસેથી તેમને આ કલા વારસામાં મળી છે. બારોટ સમાજની વસ્તી ધરાવતું આ ગામ હવે કલાકારોનું ગામ તરીકે ઓળખાઈ રહ્યું છે.
વ્યવસાયની સાથે ગાયકીનો પણ તેમને વારસો મળ્યો છે
ગીતો લલકારતા આ સેંકડો કલાકરાકો બારોટ સમુદાયના છે. બારોટ સમુદાયનો ઈતિહાસ પણ રોંચક છે. આ સમુદાય વર્ષો જુના લોકોના ઈતિહાસ તેમની પોથીમાં લખવાનું અને સાચવવાનું કામ કરે છે. તેઓ ઈતિહાસ પોતાની પોથીમાં લખી અને પેઠી સુધી પહોંચાડનાર મેસેન્જર તરીકે કામ કરે છે. તેમના વ્યવસાયની સાથે ગાયકી પણ તેમને વારસો મળ્યો છે. કલાકારના ગામથી ઓળખતા ઝાડીયારા ગામના લોકોનું કહેવું છે કે, બારોટ સમુદાયના એક એક કલાકાર અમારા ગામનું ઘરેણું છે. કોઈ ગાયનમાં તો કોઈ વાદનમાં નિપુણ છે. આ ગામનું નામ રોશન કરે તેવી આશા રાખઈએ છીએ.
ઝાડીયારા ગામ ભલે નાનું છે પરંતુ આ ગામના કલાકારો કોઈ ઉમદા કલાકારથી કમ નથી. આ કલાકારોને જરૂર છે બસ એક પ્લેટફોર્મની જે તેમને આગળ લઈ જઈ શકે છે. અને જ્યાંથી તેઓ નામ કમાઈ શકે છે. કલાકારોની સાથે ગામના લોકો પણ માગણી કરી રહ્યાં છે. કે, સરકાર આ દિશામાં વિચારે તો ગામના અનેક લોકો પોતાવી કલાના માધ્યમથી રોજગારી મેળવી શકે.
