તમારા કામનું / WhatsApp પર આવ્યું નવું ફીચર: હવે ઓડિયોની જેમ જ ફટાફટ મોકલી શકાશે VIDEO મેસેજ, જાણો કઈ રીતે કરશે કામ

• WhatsAppએ રોલઆઉટ કર્યું નવું ફિચર
• ગેલેરીમાં ગયા વગર મોકલી શકાશે વીડિયો 
• જાણો નવા ફિચર વિશે 

WhatsAppએ એપમાં એક નવું શોર્ટ વીડિયો મેસેજ ફિચર જોડ્યું છે જે યુઝર્સને ચેટ વખતે વીડિયોને રેકોર્ડ કરી મોકલવા અને પ્રાપ્ત કરવાની પરવાનગી આપે છે. તેનાથી ચેટ એક્સપીરિયંસ પહેલાથી વધારે સારો થશે. 

અત્યાર સુધી જો આપણે એપમાં કોઈ વ્યક્તિને વીડિયો શેર કરવો હોય છે તો તેના માટે આપણે ગેલેરીમાં જઈને વીડિયોને શોધવો પડતો હતો. પરંતુ હવે મેટાએ WhatsAppમાં શોર્ટ વીડિયો મેસેજ ફિચર રોલઆઉટ કર્યું છે. 

sometimes you just have to see it to believe it 👀 now you can capture the moment right when it happens with a Video Message. pic.twitter.com/QiDTRhRRJ6

— WhatsApp (@WhatsApp) July 27, 2023

ચેટ વખતે જ વીડિયો રેકોર્ડ કરી મોકલી શકાશે 
આ ફિચર હેઠળ તમે 60 સેકેન્ડની વીડિયો ચેટ વખતે જ વીડિયો રેકોર્ડ કરી સામેના વ્યક્તિને મોકલી શકશો. મોકલેવો વીડિયો ઓટોમેટિક મ્યૂટ રહેશે. યુઝર્સે ટેપ કરી તેનો ઓડિયો ખોલવાનો રહેશે. 

આ એક સારો ઓપ્શન છે કારણ કે ઘણી વખત આપણે એવી જગ્યાએ હોઈએ છીએ જ્યાં આપણે સીધા ઓડિયોને ન સાંભળી શકીએ. એવામાં આ ઓપ્શનથી લોકોને વીડિયોને ઓડિયો વગર જોવામાં પણ મદદ મળશે. 

આ રીતે રેકોર્ડ કરો વીડિયો 
વીડિયોને રેકોર્ડ કરવા માટે તમારે ચેટમાં વીડિયો આઈકોન પર ટેપ કરવાનું રહેશે અને પછી વીડિયોને રેકોર્ડ કરવાનો રહેશે. જો તમે હેન્ડ્સ ફ્રી રાખીને વીડિયો રેકોર્ડ કરવા માંગો છો તો તેના માટે તમારે વીડિયોને ઉપરની તરફ સ્વાઈપ અપ કરવાનું રહેશે. તેનાથી વીડિયો લોક થઈ જશે અને તમે સરળતાથી ફોનને ક્યાંક મુકીને વીડિયોને રેકોર્ડ કરી શકો છો. 

કંપનીના બીજા ફીચર્સની વીડિયો મેસેજ પણ એન્ડ ટૂ એન્ડ એન્ક્રિપ્ટેડ હશે. WhatsAppએ આ અપડેટ બધાની માટે રોલઆઉટ કરવાનું શરૂ કરી દીધુ છે જો તમને આ અપડેટ નથી મળ્યું તો એક વખતે એપને અપડેટ કરી લો.