- કોરોના ફરી એકવાર ભારત સહિત વિશ્વના ઘણા દેશોમાં હલચલ મચાવી રહ્યો છે
- દેશમાં ઘણા કેસ નોંધાયા છે અને તમામ રાજ્યોને એલર્ટ જાહેર કરવામાં આવ્યું
- કોવિડનું નવું સ્વરૂપ વધુ ખતરનાક છે અને આ 5 રીતોથી તેનાથી બચી શકે છે
દેશમાં ફરી એક વાર કોરોનાનો નવો વેરિયન્ટ ઊભરાયો છે. હાલમાં સમગ્ર દેશમાં નવા વેરિયન્ટ JN.1 ના 21 કેસ નોંધાયા છે અને વધી રહ્યાં છે. કેસ વધતા સંબંધિત સરકારો પણ એક્શનમાં આવી ગઈ છે અને જરુર પ્રમાણેના ઉપાયો કરી રહી છે. ખાસ કરીને ગોવા, કેરેલા, મહારાષ્ટ્રમાં જ્યાં કોરોનાના નવા સબ વેરિયન્ટ JN.1નું સંક્રમણ ફેલાઈ રહ્યું છે.
_1.png)
JN.1 નો પહેલો કેસ ક્યારે આવ્યો?
ભારતમાં JN.1 નો પહેલો કેસ કેરળમાં 8 ડિસેમ્બરે નોંધાયો હતો. એક 79 વર્ષની મહિલાને તેનો ચેપ લાગ્યો હતો ત્યાર બાદ દેશમાં અલગ અલગ જગ્યાએ તેના કેસ સામે આવી રહ્યાં છે અને બાર દિવસમાં 21 સુધી આંકડો પહોંચ્યો છે અને હજુ વધી રહ્યાં છે.
JN.1 વેરિયન્ટ કયા કયા દેશમાં ફેલાયો
કોરોનાના આ નવા પ્રકારને કારણે આંતરરાષ્ટ્રીય સ્તરે ચેપમાં વધારો થઈ રહ્યો છે. તેની હાજરી અમેરિકા, બ્રિટન, આઈસલેન્ડ, સ્પેન, પોર્ટુગલ, નેધરલેન્ડ અને તાજેતરમાં ચીન સહિત વિવિધ દેશોમાં જોવા મળી છે. હવે આ યાદીમાં ભારતનું નામ પણ જોડાઈ ગયું છે.
કોવિડ વેરિઅન્ટ JN.1 ના લક્ષણો શું?
તાવ
થાક
વહેતું નાક
સુકુ ગળું
માથાનો દુખાવો
ઉધરસ
પેટ સંબંધિત બીમારીઓ
કોવિડના નવા વેરિયન્ટ JN.1ને રોકવાનાં પગલાં-
-આ વાઇરસ સરળતાથી ફેલાતો હોવાથી તમામ સામાજિક અંતરના નિયમોનું પાલન કરવાનું શરૂ કરો
- માસ્ક પહેર્યા વિના ઘરની બહાર ન નીકળો
- વાસણો અને રોજિંદા ઉપયોગની વસ્તુઓ અન્ય લોકો સાથે શેર કરવાનું ટાળો.
- સ્વચ્છતાનું ખાસ ધ્યાન રાખો. કોઈપણ વસ્તુને સ્પર્શ કર્યા પછી વારંવાર હાથ ધોવા અને સેનિટાઈઝરનો ઉપયોગ કરો.
- લોકો સાથે વાત કરતી વખતે 10 મીટરનું અંતર જાળવો.
-ભીડવાળા વિસ્તારોમાં જવાનું ટાળો.
