ભારતનું ગૌરવ / વિદિત ગુજરાતીએ કર્યો કમાલ: ચેસમાં વર્લ્ડ ચેમ્પિયન કાર્લસન પણ જોતો રહી ગયો, બન્યો આ રેકૉર્ડ

• વિશ્વ ચેમ્પિયન મેગ્નસ કાર્લસનને હરાવીને મોટો ઉલટફેર કર્યો
• કાર્લસન પર જીત મેળવનાર ચોથો ભારતીય પણ બની ગયો
• વિદિત હાલમાં ભારતમાં નંબર 2 અને વિશ્વમાં 19મા ક્રમે 

ભારતીય ચેસની દુનિયામાં છેલ્લા ઘણા સમયથી ઘણા એવા ગ્રાન્ડમાસ્ટર આવ્યા છે જેણે દુનિયાના નંબર વન અને હાલના વિશ્વ ચેમ્પિયન મૈગ્નસ કાર્લસનને મ્હાત આપી છે. આ યાદીમાં વધુ એક ભારતીય ગ્રાન્ડમાસ્ટર વિદિત ગુજરાતીનું નામ પણ જોડાઈ ગયું છે. વિદિતે પ્રો ચેસ લીગની મેચમાં નોર્વેના હાલના વિશ્વ ચેમ્પિયન મેગ્નસ કાર્લસનને હરાવીને મોટો ઉલટફેર કર્યો હતો. આ રીતે   તે કાર્લસન પર જીત મેળવનાર ચોથો ભારતીય પણ બની ગયો છે. આ કાર્લસન પર તેની પ્રથમ જીત હતી.

આ મુકાબલામાં 'ઈન્ડિયન યોગીઝ' માટે રમતા વિદિત ગુજરાતીએ દુનિયાના નંબર વન કાર્લસન દ્વારા કરવામાં આવેલી ભૂલનો જોરદાર ફાયદો ઉઠાવ્યો હતો. તમને જણાવી દઈએ કે કાર્લસન 'કેનેડા ચેસબ્રાસ'ની તરફથી 'પ્રો ચેસ લીગ'માં રમી રહ્યો છે. દુનિયાભરની ટીમોએ આ ઓનલાઈન ટૂર્નામેન્ટમાં ભાગ લીધો છે. 16 ટીમો રેપિડ ગેમ   રમી રહી છે. 28 વર્ષના વિદિત ગુજરાતીએ બ્લેક મોહરા સાથે રમતા શાનદાર જીત મેળવી અને પ્રતિસ્પર્ધક પર ટેકનિક રણનીતિથી જીત મેળવી હતી.

વિદિત ગુજરાતીએ પાંચ વખતના હાલના વિશ્વ ચેમ્પિયન કાર્લસન સામે જીત મેળવ્યા બાદ કહ્યું કે,  'ગોટ' (ગ્રેટેસ્ટ ઓફ ઓળ ટાઈમ)ને હરાવવાનો અહેસાસ ખૂબ જ શાનદાર છે અને હું આનાથી વધુ સારી ક્ષણની આશા નહોતો કરી શકતો. હવે ખુશી થઈ રહી છે કે ફાઈનલી મે આ કરી બતાવ્યું છે. તમામ સાથી ખેલાડીઓ અને ટીમ તેમજ સમર્થકોનો આભાર. આ અમારા માટે ખૂબ જ મહત્વપૂર્ણ સમય છે. વિદિત હાલમાં ભારતમાં નંબર 2 અને વિશ્વમાં 19મા ક્રમે છે.

Just defeated the GOAT, World champion, Magnus Carlsen!! :) https://t.co/Ym2w6svF6K

— Vidit Gujrathi (@viditchess) February 21, 2023

આ પહેલા કાર્લસનને કોણે-કોણે હાર આપી?
કાર્લસનને હરાવ્યા બાદ વિદિત સાથી ભારતીય ગ્રાન્ડમાસ્ટર આર પ્રાગનાનંદા, ડી ગુકેશ અને અર્જુન એરિગેસીની યાદીમાં સામેલ થઈ ગયો છે. તેના પહેલા આ ત્રણેય ભારતીયોએ 2022માં અલગ અલગ પ્રતિયોગિતાઓમાં નોર્વેના સુપરસ્ટાર પર જીત મેળવી હતી. પ્રો ચેસ લીગ મેચમાં વિદિત ગુજરાતીની આગેવાનીવાળી ભારતીય ટીમમાં વૈશાલી, રૌનક અને અરોનયાક સામેલ છે, જેણે ફાઈનલ પહેલા કાર્લસન, આર્યન તારી, રજવાન પ્રેયોટૂ અને જેનિફિર યૂ પર જીત મેળવી છે. જે ટીમ સૌથી પહેલા 8.5 પોઈન્ટ મેળવે છે તે મેચ જીતી જાય છે. ઈન્ડિય યોગીઝે ચારેય બોર્ડમાં જીત મેળવી છે.