ચકચાર / VIDEO: ભુજના માધાપરમાં બેંક કર્મીઓ રિક્ષા સીઝ કરવા આવતા ભડક્યો ચાલક, ભરબજારે રિક્ષામાં ચાંપી દીધી આગ

• ભુજના માધાપર ગામની ઘટના 
• રિક્ષામાં આગ લાગવાનો મામલો
• CNG રિક્ષામાં ખુદ ચાલકે લગાવી આગ

ભુજના માધાપર ગામમાં રિક્ષામાં ચાલકે આગ ચાંપી દેતા રાહદારીઑના જીવ ઉચ્ચક થયા હતા. CNG રિક્ષામાં ખુદ ચાલકે જ આગ લગાડી દીધી હતી. રિક્ષા ચાલકનો આગ લગાવતો વીડિયો વાયરલ થયો છે. જેને લઇને અફરાતફરી મચી જવા પામી હતી.

VIDEO: ભુજના માધાપરમાં બેંક કર્મીઓ રિક્ષા સીઝ કરવા આવતા ભડક્યો ચાલક, ભરબજારે રિક્ષામાં ચાંપી દીધી આગ#kutch #gujarat pic.twitter.com/ydBBCYqOvq

— VTV Gujarati News and Beyond (@VtvGujarati) October 12, 2022

રોષે ભરાયેલ રિક્ષા ચાલકે રિક્ષાને આગ ચાંપી
ભુજના માધાપરમાં લોન થકી એક યુવાને રિક્ષા ખરીદી હતી. જે લોનના હપ્તા પૂરા સમયસર ન ભરાતા બેંક દ્વારા રિક્ષા સીઝ કરવા અંગે ચીમકી ઉચ્ચારવામાં આવી હતી એટલું જ નહિ બેન્કના કર્મીઑ રિક્ષા સીઝ કરવા આવતા ચાલક રોષે  ભરાયો હતો અને આજુબાજુના લોકોના જીવની પરવાહ કર્યા વગર CNG રિક્ષામાં આગ ચાંપી અન્ય લોકોનો જીવ જોખમમાં મૂક્યા હતા.