કાર્યવાહી / VI કંપનીને 20 લાખનો દંડ ચૂકવવા આદેશ, ગ્રાહકની ફરિયાદ બાદ ગુજરાત IT વિભાગ એક્શનમાં

• ગુજરાત IT વિભાગનો VI કંપનીને ઝટકો
• રાજકોટના ફરિયાદીને 20 લાખ ચૂકવવાનો આદેશ
• જયદીપ દેપાણીએ ગુજરાત IT વિભાગમાં કરી હતી ફરિયાદ

ગુજરાત IT વિભાગે એક ફરિયાદને લઈને VI (વોડાફોન આઈડિયા) કંપનીની ઝાટકણી કાઢી છે. ગુજરાત આવકવેરા વિભાગે વોડાફોન આઈડિયા કંપનીને ફરિયાદીને 20 લાખ રૂપિયા ચૂકવવાનો આદેશ આપ્યો છે. 

ડુપ્લીકેટ સીમકાર્ડથી ઉપડી ગયા 20 લાખ 
આ અંગે વિગતવાર કરીએ તો રાજકોટના જયદીપ દેપાણી નામના ફરિયાદીએ IT વિભાગમાં એક ફરિયાદ નોંધાવી હતી. જેમાં તેઓએ જણાવ્યું હતું કે, કંપનીએ ચકાસણી કર્યા વગર તેમના  નંબરનું ડુપ્લીકેટ સીમકાર્ડ અન્ય વ્યક્તિને આપ્યું હતું. એક જેવો જ નંબર બીજા વ્યક્તિને આપી દેવામાં આવ્યો હતો. ત્યારબાદ તેમના (જયદીપ દેપાણી)ના બેંક એકાઉન્ટમાંથી 20 લાખ રૂપિયા ઉપડી ગયા હોવાનું સામે આવ્યું હતું. 

ફરિયાદ આધારે IT વિભાગે ચલાવી તપાસ
જયદીપભાઈની ફરિયાદના આધારે IT વિભાગે તપાસ શરૂ કરી હતી. આવકવેરા વિભાગે વોડાફોન આઈડિયા કંપનીને રૂપિયા 20 લાખનો દંડ ફરકાર્યો છે. આવકવેરા વિભાગે કંપનીને આ રૂપિયા ફરિયાદીને આપવાનો આદેશ કર્યો છે. આ ઉપરાંત તપાસ દરમિયાન ફરિયાદીનું ડુપ્લીકેટ સીમકાર્ડ સુરતમાંથી મળી આવ્યું હતું.