NULL / VHP નેતા પ્રવીણ તોગડિયાની ભાળ મળી બેભાન અવસ્થામાં મળી આવતા હોસ્પિટલમાં કરાયા દાખલ

અમદાવાદઃ Z+ સિક્યોરિટી ધરાવતા VHP અધ્યક્ષ પ્રવીણ તોગડિયા ગુમ થયાની વાત ચર્ચાઇ રહી હતી. ત્યારે પ્રવીણ તોગડિયા મળી આવ્યા હોવાના સમાચાર મળી રહ્યા છે. પ્રવીણ તોગડિયા શાહિબાગ હોસ્પિટલમાં હોવાની માહિતી મળી હતી. પ્રવીણ તોગડિયાને બેભાન અવસ્થામાં શાહિબાગની ચંદ્રમણી હોસ્પિટલમાં દાખલ કરાયા હતા. હાલ તેમની હાલત સ્થિર હોવાની માહિતી મળી આવી છે.

મહત્વનું છે કે તોગડીયા 108 દ્વારા હોસ્પિટલ પહોંચ્યા હતા. હાલ તેમની હાલત સ્થિર છે. કાર્ડિયાક પ્રોબ્લેમ થયો હોવાનું ડોક્ટરોએ જણાવ્યું હતું. સુગર લો થઇ ગયું હતું. તેમને સુગર આપી લેવલ કરાયું છે. તોગડિયા હાલ ભાનમાં છે તેઓ વધુ વાતચીત કરી રહ્યા નથી. ત્યારે કોણ હોસ્પિટલ મૂકી ગયું તે અંગે રહસ્ય ઘેરાયું છે.

ઉલ્લેખનીય છે કે Z સિક્યોરિટી ધરાવતાં VHPના આંતરરાષ્ટ્રીય કાર્યાધ્યક્ષ પ્રવીણ તોગડિયા ગુમ હતા. જેને લઈને VHPના કાર્યકર્તાઓ રસ્તા પર ઉતરી આવ્યા હતા. રાજસ્થાન પોલીસ તોગડિયાની અટકાયત કરી અજ્ઞાત સ્થળે લઈ ગઈ હોવાની પણ ચર્ચા થઇ રહી હતી. ત્યારબાદ પોલીસ દ્વારા પ્રેસ કોન્ફરન્સ કરી ધરપકડની વાતને નકારી હતી.

તેમણે જણાવ્યું કે ગુજરાત કે રાજસ્થાન સરકારે પ્રવીણ  ત્યારે આ સમગ્ર મામલે ક્રાઈમ બ્રાન્ચે પત્રકાર પરિષદ યોજી સ્પષ્ટતા કરી હતી. ક્રાઈમ બ્રાન્ચ જેસીપીના જણાવ્યા પ્રમાણે રાજસ્થાનમાં પ્રવીણ તોગડિયા સામે ફરિયાદ નોંધાઈ હતી. જે બાદ રાજસ્થાન પોલીસે પ્રવીણ તોગડિયાની ધરપકડ માટે અમદાવાદની સોલા પોલીસની મદદ માગી હતી.

જે બાદ પોલીસ તોગડિયાના ઘરે પહોંચી હતી પરંતુ તોગડિયા નિવાસ સ્થાને ન મળતા રાજસ્થાન પોલીસ પરત ફરી હતી. પરંતુ હાલ સમાચાર મળી રહ્યા છે કે તોગડિયા મળી આવ્યા છે.