વાસ્તુ શાસ્ત્ર / રાત્રિના સમયે ક્યારેય પણ ન કરતા આ 5 ભૂલ, નહીં તો માતા લક્ષ્મીજી થઇ જશે કોપાયમાન

• રાત્રીના સમયે ન કરો આ ભુલો 
• નહીં તો માતા લક્ષ્મીજી થઇ જશે કોપાયમાન
• ઘરમાંથી જતા રહેશે માતા લક્ષ્મી 

રાત્રે જાણે-અજાણ્યે થયેલી અમુક ભુલો ઘરમાં દરિદ્રતાનું કારણ બને છે. આ નાની નાની ભૂલોના કારણે વ્યક્તિ હંમેશા દેવામાં રહે છે. આવો આજે તમને આવી 5 ભૂલો વિશે જણાવીએ જેને રાત્રે કરવાથી ઘરમાં આર્થિક તંગી અને કંગાલી આવે છે. 

બેડ પર ભોજન 
વાસ્તુ શાસ્ત્રમાં બેડ પર ભોજન કરવાની આદતને અશુભ માનવામાં આવ્યું છે. કહેવાય છે કે રાત્રે બેડ પર ભોજન કરનાર લોકો હંમેશા દેવામાં રહે છે. 

ગંદા વાસણ 
રાત્રે ભોજન બાદ રસોડામાં ગંદા વાસણ ન મુકો તેનાથી ધન હાની થાય છે. આવા લોકો પર હંમેશા આર્થિક તંગી રહે છે. 

સાવરણી 
વાસ્તુ અનુસાર રાત્રીના સમયે સાવરણીથી વાળીને કરચો ઘરમાંથી બહાર ફેંકવો અશુભ માનવામાં આવે છે. આમ કરવાથી માતા લક્ષ્મી ઘરમાંથી રીસાઈને જતા રહે છે. જો સાંજના સમયે તમને કચરો વાળવો પડે તો કચરાને ઘરમાંથી બહાર ન ફેંકો. 

સૂર્યાસ્ત બાદ ન આપો આ દાન 
વાસ્તુ અનુસાર સૂર્યાસ્ત બાદ કોઈને દાનમાં દૂધ, દહીં અને મીઠુ ન આપવું જોઈએ. આમ કરવાથી આર્થિક સ્થિતિ બગડી શકે છે. 

નળનું ટપકવું 
રાત્રે કિચન કે બાથરૂમના નળથી કારણ વગર પાણી વહેવું પણ આર્થિક સંકટનો ઈશારો માનવામાં આવે છે. આવા નળને જલ્દી સાજો કરાવો.