ઉર્ફીનું દર્દ / 'હું બેભાન ના થાઉં ત્યાં સુધી પપ્પા મને મારતા હતા, ઘરેથી ભાગી ગઈ પછી...'

• ઉર્ફી જાવેદનું બાળપણ ખૂબ જ પીડાદાયક છે. 
• ઉર્ફીને ફેશનમાં રસ હતો, પરંતુ પિતા હંમેશા ટોર્ચર કરતા હતા.
• ‘હું બેભાન ના થઈ જઉં ત્યાં સુધી મને મારતા હતા.’

ઉર્ફી જાવેદ અભિનેત્રીમાંથી સોશિયલ મીડિયા સેંસેશન બની ગઈ છે અને ફેમસ બની ગઈ છે. ઉર્ફી ખૂબ જ બોલ્ડ છે, જેના કારણે તે અન્ય લોકો કરતા અલગ તરી આવે છે. તે પહેલેતી આવી નહોતી, તેમનું બાળપણ ખૂબ જ પીડાદાયક હતું. તેમણે તેમના પિતાના ટોર્ચરથી લઈને કરિઅર બનાવવા સુધીનું સફર કાપ્યું છે. 

ઉર્ફી જાવેદના પિતાએ કર્યું ટોર્ચર

ઉર્ફી જાવેદ હ્યુમન્સ ઓફ બોમ્બે સમક્ષ પોતાની પીડાદાયક કહાની રજૂ કરી છે. ઉર્ફી જણાવે છે કે, તેમને બાળપણથી જ ફેશનમાં રસ હતો. પિતા હંમેશા ટોર્ચર કરતા હતા અને આપધાતના વિચાર પણ આવતા હતા. ઉર્ફી જણાવે છે કે, ‘તે લખનઉમાં ક્રોપ ટોપની ઉપર જેકેટ પહેરતી હતી. જ્યાં યુવતીઓને આ પ્રકારના કપડા પહેરવાની મંજૂરી નહોતી. પપ્પા ખૂબ જ અબ્યુઝીવ હતા, જ્યાં સુધી હું બેભાન ના થઈ જઉં ત્યાં સુધી મને મારતા હતા.’

મુંબઈમાં ઘર ખરીદશે ઉર્ફી

ઉર્ફી જાવેદ જણાવે છે કે, પિતાના ટોર્ચરના કારણે તે 17 વર્ષની ઉંમરે ઘરેથી ભાગીને દિલ્હી આવી ગઈ હતી. ‘હું પૈસા લીધા વગર ઘરેથી ભાગી ગઈ હતી. હું ટ્યુશન કરાવતી હતી અને કોલ સેન્ટરમાં નોકરી કરતી હતી. તે સમયે મારા પિતાએ મારા પરિવારને પણ છોડી દીધો. હું મમ્મીને મળી. મુંબઈ આવીને ડેઈલી સોપમાં નાના મોટા પાત્ર ભજવ્યા. બિગબોસમાં કામ કરવાની તક મળી અને ત્યારથી મને એક ઓળખ મળી છે. મને પહેલેથી જ ફેશન ગમે છે. હું તેમાં આગળ વધી પરંતુ મને ટ્રોલ કરવામાં આવી હતી. હું દરરોજ વધુ બોલ્ડ બનતી ગઈ. હું ટૂંક સમયમાં મુંબઈમાં મારું ઘર ખરીદીશ.’