વિવાદ / ટ્વિટર ઈન્ડિયાએ કરી ખૂબ મોટી ભૂલ, ભારતના જમ્મુ કાશ્મીરને ચીનના ભાગ તરીકે દર્શાવ્યું

• ટ્વિટર ઈન્ડિયાએ કરી ખૂબ મોટી ભૂલ 
• જમ્મુ કાશ્મીરને ચીનના ભાગ તરીકે દર્શાવ્યું 
• લોકોમાં ભારે નારાજગી, ધરપકડ કરવા કરાઇ માંગણી

માઇક્રો બ્લોગિંગ વેબસાઇટના આ કૃત્યને લઈને હાલમાં લોકોમાં ભારે નારાજગી છે અને આ વાતને લઈને ટ્વિટર ઈન્ડિયા ના અધિકારીઓની ધરપકડની માંગણી કરવામાં આવી રહી છે. મહત્વનું છે કે ટ્વિટર ઈન્ડિયા જે હાલમાં લોકોના નિશાના પર છે તેણે ભારત ના કેન્દ્ર શાસિત પ્રદેશ જમ્મુ કાશ્મીરને હાલમાં જ ચીનના ભાગ તરીકે દર્શાવી દીધું હતું. 

So @Twitter has decided to reconfigure geography and declare Jammu & Kashmir as part of People's Republic of #China . If this is not a violation of #India laws, what is? Citizens of India have been punished for far less. But US Big Tech is above the law? @nitingokhale @rsprasad pic.twitter.com/euelMvCxTy

— Kanchan Gupta (@KanchanGupta) October 18, 2020

ચીન ને લઈને દેશમાં છે રોષનો માહોલ 

ઉલ્લેખનીય છે કે હાલમાં દેશમાં ચીન ને લઈને લોકોમાં ઘણો રોશનો માહોલ છે, ખાસ તો ગલવાન ઘાટીની ઘટના બાદ અને હાલમાં લદ્દાખ બોર્ડર પર ચાલી રહેલા ચીન સાથેના તણાવના લીધે પણ બંને દેશોના સંબંધો હાલમાં તળિયે છે. 

લોકોએ ટ્વિટર ના આ કૃત્યને વખોડી કાઢ્યું 

ટ્વિટર ના આ કૃત્યને લોકોએ વખોડી કાઢ્યું હતું. ઓબજર્વર રિસર્ચ ફાઉન્ડેશન ના કંચન ગુપ્તા એ આ મામલાને ઉઠાવ્યો હતો અને તેમણે લખ્યું હતું કે ટ્વિટરે હવે ભૂગોળને બદલવાનો નિર્ણય કરી લીધોછે અને જમ્મુ કાશ્મીર ને ચીન ના ભાગ તરીકે જાહેર કર્યું છે. જો આ ભારતીય કાયદાઓનું ઉલ્લંઘન નથી તો શું છે? શું એક અમેરિકી કંપની કાયદાથી પણ ઉપર છે? આ પોસ્ટમાં તેમણે IT મંત્રી રવિશંકર પ્રસાદ ને પણ ટેગ કર્યા હતા. 

ટ્વિટર ના પ્રવક્તાએ આપ્યું સ્પષ્ટીકરણ 

જો કે આ મામલે ટ્વિટર ના પ્રવક્તા એ સ્પષ્ટીકરણ આપતા કહ્યું હતું કે અમે રવિવારથી આ ટેકનિકલ સમસ્યાથી વાકેફ છીએ, અને અમે આની સંવેદનશીલતાનું સન્માન કરીએ છીએ, અમારી ટીમે આ બાબતની તપાસ કરી હતી અને આ પ્રોબ્લેમને દૂર કરી હતી. જો કે લોકો આ વખતે ટ્વિટર ને માફ કરવાના મૂડમાં નથી અને તેઓ માંગણી કરી રહ્યા છે કે ટ્વિટર ના ભારતીય મેનેજમેન્ટમાં સામેલ લોકોની ધરપકડ કરવી જોઈએ.