કલંકિત ઘટના / દારૂ મુદ્દે વિધાનસભામાં સંગ્રામ : ધારાસભ્યો વચ્ચે છૂટા હાથની મારામારી અને ગાળાગાળી, જુઓ VIDEO

• મંત્રીની સ્કૂલમાંથી મળેલા દારુના જથ્થા પર વિપક્ષે વિફર્યો
• રામસૂરત રાયના રાજીનામાની કરી માગણી
• તેજસ્વી-તેજપ્રતાપે સરકારને સાણસામાં લીધી
• એક બાજુ જેડીયુ-ભાજપ તો બીજી બાજુ આરજેડીના ધારસભ્યો બાખડ્યાં
• જોતજોતામાં વિધાનસભા રણસંગ્રામમાં ફેરવાઈ

બિહાર વિધાનસભામાં છેવટે તો એ જ થયું જે વાતનો ડર હતો. ધક્કામુક્કી અને ગાળાગાળી બધું જ જોવા મળ્યું. એકબીજાને જોઈ લેવાની પણ ધમકીઓ આપવામાં આવી..

તેજસ્વીએ ગૃહમાં દારુનો મુદ્દો ઉઠાવ્યો
ભૂ-રાજસ્વ મંત્રી રામસૂરત રાયના રાજીનામાની માગણીએ વિપક્ષે ગૃહમાં જોરદાર હોબાળો મચાવ્યો હતો. મામલો ગરમ જ હતો ત્યારે બીજી બેઠકમાં આરોગ્ય વિભાગના બજેટ પર ચર્ચા દરમિયાન વિપક્ષી નેતા તેજસ્વી યાદવે ફી વાર દારુબંધીનો મુદ્દો ઉઠાવ્યો. આ મુદ્દે જોરદાર ટપાટપી થઈ હતી. તેજસ્વીએ તો ત્યાં સુધી કહી દીધું કે વિપક્ષી નેતાનો હોદ્દો બંધારણીય હોય છે. પરંતુ ઉપમુખ્યમંત્રી પદનો હોદ્દો બંધારણીય હોતો નથી. તેજસ્વીની આ વાતચ પર શાસક પક્ષના ધારાસભ્યો ભડક્યા હતા. 

#WATCH | Ruckus ensued in Bihar Assembly after Leader of Opposition Tejashwi Yadav demanded resignation of State Minister Ram Surat Rai over alleged recovery of illicit liquor from a school run by Rai's brother. pic.twitter.com/hqNUo5bCkf

— ANI (@ANI) March 13, 2021

તેજપ્રતાપે આંગળી દેખાડતા વિવાદ વધ્યો
ભાજપ ધારાસભ્ય સંજય સરાવગી અને મંત્રી જનક રામે જોરદાર વાંધો ઉઠાવ્યો હતો. જે પછી તેજસ્વીના મોટાભાઈ અને ધારાસભ્ય તેજપ્રતાપ યાદવે શાસક પક્ષના ધારાસભ્યો તરફ આંગળી ચીંધીને કંઈક એવું કહી દીધું કે જે વાત તેમને ખટકી ત્યાર બાદ બન્ને પક્ષના ધારાસભ્યો સામસામે આવી ગયા અને એકબીજાને ગાળો આપવા લાગ્યાં.તેજસ્વી પણ બોલતા રહ્યાં કે મારા મોં ખોલવાથી શાસક પક્ષ ધ્રુજવા લાગે છે. જોતજોતામાં તો બખેડો ખડો થયો. બખેડો એટલો વધ્યો કે ધારાસભ્યોને નોખા પાડવા માર્શલે આવવું પડ્યું. 

વિધાનસભામાં જે થયું, તે નહોતું થવું જોઈતું
વિધાનસભા અધ્યક્ષ વિજય કુમાર સિંહાએ ગૃહની કાર્યવાહીને સ્થગિત કરી નાખી હતી. કાર્યવાહી મોકૂફ રહ્યાં બાદ ગૃહમાં વિપક્ષી ધારાસભ્યો નારેબાજી કરતા રહ્યાં હતા. અધ્યક્ષે કડક ભાષામાં કહ્યું કે આજે વિધાનસભામાં જે કંઈ પણ થયું તે નહોતું થવું જોઈતું. કાર્યવાહીમાં આ પ્રકારનું વર્તન સહન ન કરી લેવાય.