- ટૂથપેસ્ટ અને શેંપૂથી પણ કેંસરનો રિસ્ક વધ્યો
- રિસર્ચમાં કરવામાં આવ્યો ખુલાસો
- કેટલીક પ્રોડક્ટસમાં ઘાતકી કેમિકલ્સ સમાવિષ્ટ હોય છે
આજે કેન્સર આખી દુનિયા માટે પડકાર બન્યો છે. દરવર્ષે મોટી સંખ્યામાં લોકો કેન્સરની અડફેટે આવી રહ્યાં છે. ICMR અનુસાર ભારતમાં 2022માં કેન્સરનાં 14.6 લાખ કેસ હતાં જે 2025 સુધી વધીને 15.7 લાખ થઈ શકે છે. કેંસર એક જીવલેણ બીમારી છે. ગતવર્ષે કેન્સરનાં લીધે 8 લાખ લોકોનું મૃત્યુ થયું છે. દરરોજ આપણે કેટલાક એવા કામ કરતાં હોઈએ છે જે કેન્સરનાં રિસ્કને વધારે છે જેમકે ટૂથપેસ્ટ અને શેંપૂ. માનવામાં આવે છે કે આ બંને પ્રોડક્ટ્સનો ઉપયોગ કરવાથી કેંસરનો રિસ્ક વધે છે.
શું ટૂથપેસ્ટથી કેંસર ફેલાય છે?
ટોરેંટો યૂનિવર્સિટીની એક રિસર્ચમાં જણાવવામાં આવ્યું કે ટૂથપેસ્ટમાં ટ્રાઈસ્કોસન કંપાઉંડ હોય છે જેનાથી કેંસરનો રિસ્ક વધે છે. આ એક એવી પ્રોડક્ટ છે જે શરીરમાં કેંસર ફેલાવતાં ફેક્ટરને એક્ટિવ કરે છે. અનેક ટૂથપેસ્ટમાં ટ્રાઈસ્કોસન ઘણી વધારે માત્રામાં હોય છે જે કેંસરનું એક કારણ બની શકે છે. કેંસર રોગ વિશેષજ્ઞ અનુસાર ટૂથપેસ્ટમાંથી મળતો ટ્રાઈસ્કોસન આંતરડાનાં સારા બેક્ટેરિયાને નુક્સાન પહોંચાડે છે. જેનાથી આંતરડાનું કેંસર ફેલાઈ શકે છે.
શું શેંપૂ છે કેન્સરનું કારણ?
એક્સપર્ટસ્ અનુસાર ડ્રાય શેંપૂ કેંસરનું કારણ બની શકે છે. ડ્રાય શેંપૂમાં બેંજીન નામક કેમિકલ હોય છે જે શેંપૂનાં ઉપયોગ દરમિયાન શરીરમાં જતું રહે છે અને બ્લડ કેંસરનો ખતરો વધારે છે. આ જ કારણ છે કે કેટલાક મહિના પહેલાં FDAએ અમેરિકાની બજારોમાંથી કેટલીક બ્રાંડનાં ડ્રાય શેંપૂ પર બેન લગાવી દીધો હતો. આ એવા શેંપૂ હતાં જેમાં બેંજીન વધુ માત્રામાં મળી આવ્યું હતું. જે કેંસરનું કારણ બની શકે છે.
