- આ પદ્ધતિનો ઉપયોગ કરીને બિસ્કિટને ક્રન્ચી રાખી શકશો
- બિસ્કિટ, કૂકીઝને લાંબા સમય સુધી ક્રિસ્પી રાખવા માટે ટીશ્યુ પેપરનો ઉપયોગ કરો
- કૂકીઝ સ્ટોર કરવા માટે ઝિપ પાઉચનો ઉપયોગ કરવો પણ વધુ સારો છે
Tips to Store Biscuits And Cookies: રોજિંદા જીવનમાં ચા સાથે બિસ્કિટ અને કૂકીઝનો ઉપયોગ ખૂબ જ સામાન્ય છે. કેટલીકવાર લોકો મીઠા કે ખારા ખોરાકની ક્રેવિંગને દૂર કરવા માટે દિવસમાં ઘણી વખત ખારા અને મીઠા બિસ્કિટ ખાય છે. જો ક્યારેક ઘરમાં મહેમાનના આવે તો તેમને સૌથી પહેલા પાણી અથવા ચા ની સાથે બિસ્કિટ આપવામાં આવે છે. પરંતુ તમે જોયુ હશે કે બિસ્કીટ અને કૂકીઝને એક વખત પેકેટમાંથી કાઢી નાખવામાં આવે તો તે ક્રિસ્પી થવાને બદલે ભેજવાળા થઈ જાય છે.
હકીકતમાં સામાન્ય રીતે બિસ્કિટ અને કૂકીઝના પેકેટ ખોલ્યા પછી માત્ર બે-ચાર બિસ્કિટ અથવા કૂકીઝ ખવાય છે. પરંતુ બાકીના બિસ્કિટ અને કૂકીઝ નકામા જાય છે. કારણ કે તેઓ તેમના રેપરને દૂર કર્યા પછી તરત જ ભેજવાળા થઈ જાય છે. જેના પછી તેમનો સ્વાદ પણ પહેલા જેવો નથી રહેતો. આવી સ્થિતિમાં, જો તમે ઇચ્છો, તો તમે તેને સ્ટોર કરવાની યોગ્ય રીતને ફોલો કરી શકો છો. જેના કારણે તેઓ પેકેટમાંથી બહાર કાઢ્યા પછી પણ ક્રન્ચી રહી શકે છે.
એર ટાઇટ કન્ટેનરમાં સ્ટોર કરો
પેકેટ ખોલ્યા પછી બચેલા બિસ્કિટ અને કૂકીઝ સ્ટોર કરવા માટે એર ટાઈટ કન્ટેનરનો ઉપયોગ કરો. બિસ્કિટને ક્રન્ચી રાખવા માટે કાચના કન્ટેનરનો ઉપયોગ કરવો બેસ્ટ છે. જો તમારી પાસે ગ્લાસ કન્ટેનર નથી, તો તમે પ્લાસ્ટિકના કન્ટેનરનો ઉપયોગ કરી શકો છો. પરંતુ તે પહેલાં તે ફૂડ ગ્રેડ પ્લાસ્ટિકથી બનેલું છે કે નહીં તે તપાસો.
ટિશ્યૂ પેપરનો ઉપયોગ કરો
બિસ્કિટ અથવા કૂકીઝને લાંબા સમય સુધી ક્રિસ્પી રાખવા માટે ટીશ્યુ પેપરનો ઉપયોગ કરો. આ માટે સૌપ્રથમ કન્ટેનરમાં ટિશ્યુ પેપરનું લેયર પાથરો જેમાં બિસ્કિટ અથવા કૂકીઝ સ્ટોર કરવાના હોય. પછી તેને રાખ્યા પછી, બિસ્કિટ અથવા કૂકીઝને ઉપરથી ટિશ્યુ પેપરથી બરાબર ઢાંકી દો. આ પછી, કન્ટેનરના ઢાંકણને યોગ્ય રીતે સજ્જડ કરવાનું ભૂલશો નહીં. જો તમે ઇચ્છો, તો તમે કન્ટેનરના તળિયે કેટલાક કાચા ચોખાના દાણા પણ રાખી શકો છો. આ બિસ્કિટ અથવા કૂકીઝને ભેજવાળી થતા બચાવશે.
ઝિપ પાઉચનો ઉપયોગ કરો
બિસ્કિટ અથવા કૂકીઝ સ્ટોર કરવા માટે ઝિપ પાઉચનો ઉપયોગ કરવો પણ વધુ સારો છે. આને કારણે, બિસ્કિટ અથવા કૂકીઝ હવાના સંપર્કમાં આવવાથી બચી જાય છે અને ભેજવાળી થતી નથી. તેમજ તેમનો સ્વાદ પણ બગડતો નથી. જો તમારા ઘરમાં ઝિપ પાઉચ ઉપલબ્ધ ન હોય તો તમે તેને પ્લાસ્ટિકના પાઉચમાં પણ સ્ટોર કરી શકો છો.
બિસ્કિટ કે કૂકીઝ પણ આનાથી ક્રિસ્પી રહે છે. એ પણ ધ્યાનમાં રાખો કે બિસ્કીટ અને કુકીઝના નાના કે મોટા પેકેટનો જરૂર મુજબ ઉપયોગ કરો.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી.
