PMO / PM મોદીની ટીમમાં સામેલ થયા 3 IAS ઓફિસર, કાર્યાલયમાં મહત્વના પદ પર નિયુક્તિ

• વડાપ્રધાન કાર્યાલયમાં ત્રણ IAS અધિકારીઓને ટીમમાં સામેલ કરવામાં આવ્યા 
• ઉત્તરાખંડના ટિહરીના ડીએમની અન્ડર સેક્રેટરી પદે નિયુક્તિ 
• મધ્ય પ્રદેશ કેડરના રઘુરાજ રાજેન્દ્રનને PMOમાં ડાયરેક્ટર બનાવાયા 
• આંધ્ર પ્રદેશ કેડરના આમ્રપાલી કાટા બન્યા ડેપ્યુટી સેક્રેટરી 

વડાપ્રધાન કાર્યાલયમાં ત્રણ આઈએએસ ઓફિસરને મોટી જવાબદારી આપવામાં આવી છે. કેબિનેટની નિયુક્તિ સમિતિ(ACC)એ ત્રણ નિયુક્તિઓ પર મહોર લગાવી છે. જેમાં ઉત્તરાખંડના ટિહરીના ડીએમ મંગેશ ઘીલ્ડીયાલ પણ સામેલ છે. તેમને PMOના અન્ડર સેક્રેટરીનું પદ મળ્યું છે. આ મામલે ઉત્તરાખંડના સચિવને 12મી સપ્ટેમ્બરે જ પત્ર આપવામાં આવ્યો હતો. 

આ સિવાય મધ્ય પ્રદેશ કેડરના IAS અધિકારી રઘુરાજ રાજેન્દ્રનને PMOમાં ડાયરેક્ટર અને આંધ્ર પ્રદેશ કેડરના IAS અધિકારી આમ્રપાલી કાટાને ડેપ્યુટી સેક્રેટરીની જવાબદારી આપવામાં આવી છે. 

ટિહરીના ડીએમની PM ઓફીસમાં તૈનાતી 

મંગેશ ઘીલ્ડીયાલ પહેલા રુદ્રપ્રયાગ જિલ્લાના ડીએમ હતા જ્યાં કેદારનાથના પુનર્નિર્માણ અને ચાર ધામ રોડના નિર્માણથી જોડાયેલ કામ તેમણે જોયું. આ બંને પ્રોજેક્ટ વડાપ્રધાન મોદીએ જ લોન્ચ કર્યા હતા. રુદ્રપ્રયાગનાં પહેલા મંગેશ ઘીલ્ડીયાલ બાગેશ્વર જિલ્લામાં જિલાઅધિકારી પદ પર હતા. 

મધ્ય પ્રદેશ કેડરના IAS અધિકારી રઘુરાજ રાજેન્દ્રન 

આ જ રીતે મધ્ય પ્રદેશ કેડરમાં વર્ષ 2004ની બેચના રઘુરાજ રાજેન્દ્રનને PM ઓફીસમાં ડાયરેક્ટરના પદ પર નિયુક્ત કરવામાં આવ્યા છે. આ પહેલા સ્ટીલ મંત્રાલય,આ પેટ્રોલીયમ અને પ્રાકૃતિક ગેસ તથા સ્ટીલના કેબિનેટ મંત્રી ધર્મેન્દ્ર પ્રધાનના પ્રાઈવેટ સેક્રેટરીના રૂપમાં પોતાની સેવા અદા કરી ચુક્યા છે. 

આંધ્ર પ્રદેશ કેડરના અધિકારી છે આમ્રપાલી કાટા 

આમ્રપાલી કાટાના આંધ્ર પ્રદેશ કેડરના 2010 બેચના આઈએએસ અધિકારી છે. તેમને PMOમાં ડેપ્યુટી સેક્રેટરી પદ પદ નિયુક્ત કરવામાં આવ્યા છે. તે મંત્રીમંડળ સચિવાલયમાં ઉપ સચિવ હતા. નોંધનીય છે કે ACCના ચેરમેન પીએમ મોદી છે જ્યારે ગૃહમંત્રી અમિત શાહ તેના સદસ્ય છે.