મુશ્કેલી / ગાંધીનગરના લોકો માટે મોટા સમાચાર: એક સપ્તાહ માટે બંધ કરી દેવાશે આ અંડરપાસ, વાહન લઈને નીકળતા પહેલા જાણી લેજો રૂટ

• ગાંધીનગર મનપાના અણઘડ વહીવટનું ઉદાહરણ
• ઘ રોડ પર અંડર પાસ એક સપ્તાહ માટે બંધ રહેશે
• પ્રી મોનસુનની કામગીરી અંતર્ગત રહેશે બંધ

 ગાંધીનગર મહાનગર પાલિકા દ્વારા પ્રિ મોન્સુનની કામગીરી અંતર્ગત ઘ રોડ પર અંડર પાસ એક સપ્તાહ માટે બંધ કરવાનું નક્કી કરવામાં આવ્યું છે.  ત્યારે 1 જૂન પહેલા પૂર્ણ કરવાની રહેતી પ્રિ-મોન્સુનની કામગીરીનાં નામે અંડર પાસ સોમવારથ એક સપ્તાહ માટે બંધ રાખવાનું નક્કી કરવામાં આવ્યું છે. ત્યારે સફાઈ, કેચ ડ્રેઈન મરામત તથા પ્રિ-મોન્સુનની કામગીરીને લઈ અંડર પાસ બંધ રહેશે. અંડર પાસની મનપાની કામગીરીને લઈ સ્થાનિકોમાં રોષ જોવા મળી રહ્યો છે.

અંડર પાસ બંધ કરવાથી ગાંધીનગરનાં નાગરિકોને ખૂબ હાલાકી પડે છેઃ કેસરીસિંહ બિહોલ

આ બાબતે ગાંધીનગર શહેર વસાહત મહાસંઘના પ્રમુખ કેસરીસિંહ બિહોલે જણાવ્યું હતું કે, મહાનગર પાલિકા દ્વારા જે પ્રિ મોન્સુનનાં બહાના હેઠળ ઘ 4 અંડર પાસ 2 જુલાઈ સુધી બંધ રાખવાનો નિર્ણય કર્યો છે. આ અંડર પાસ બંધ કરવાથી ગાંધીનગરનાં નાગરિકોને ખૂબ હાલાકી પડે છે.  છોકરાઓને સ્કૂલે જવું હોય તો પણ તકલીફ પડે છે. ખરેખર પ્રિ-મોન્સુનની કામગીરી  ચોમાસા પહેલા પૂર્ણ કરી દેવાની હોય છે. આ બાબતે આગોતરૂ તેનું આયોજન કરવું પડે. 

શહેરમાં ઠેર ઠેર ખોદેલ ખાડા પુરવા માટે પણ રજૂઆત કરી
તેમજ  ગાંધીનગર શહેર વસાહત મહાસંઘ દ્વારા જે શહેરમાં સેક્ટરોમાં જે ખાડાઓ કરવામાં આવ્યા છે. તે પુરવા માટે અમે ઘણી રજૂઆતો કરી છે. પરંતુ તે ઠેરનાં ઠેર છે. પરંતું તે સિવાય ઘ 4 અંડર પાસ જે ગાંધીનગરનું હાર્ટ ગણાય છે. તેમજ ત્યાંથી મોટા ભાગનાં લોકો અવર જવર કરે છે.  જે હાલ બંધ કરવામાં આવ્યો છે. ત્યારે પ્રિ મોન્સુનની કામગીરી જુન મહિનામાં કરવાની હોય છે. તેમજ હાલ ચોમાસુ બેસી ગયું છે. આડેધડ લેવામાં આવતા નિર્ણયને લઈને લોકોને ભારે હાલાકીનો સામનો કરવો પડી રહ્યો છે.