- ઈગ્લેન્ડનાં ફાસ્ટ બોલરે નિવૃતિ જાહેર કરી ક્રિકેટ જગતને ચોંકાવી દીધું
- ઈંગ્લેન્ડ અને ઓસ્ટ્રેલિયાના ખેલાડીઓએ બ્રોડને ગાર્ડ ઓફ ઓનર આપ્યું
- આંતરરાષ્ટ્રીય ક્રિકેટમાં બ્રોડનાં નામે 845 વિકેટ લેવાનો રેકોર્ડ
ઈંગ્લેન્ડના ફાસ્ટ બોલર સ્ટુઅર્ટ બ્રોડે નિવૃત્તિની જાહેરાત કરીને વિશ્વ ક્રિકેટને ચોંકાવી દીધું હતું. બ્રોડનું કહેવું છે કે ઓસ્ટ્રેલિયા સામે ચાલી રહેલી એશિઝ શ્રેણીની પાંચમી ટેસ્ટ મેચ તેની વ્યાવસાયિક ક્રિકેટ કારકિર્દીની છેલ્લી મેચ છે. આ પછી તે ક્રિકેટને અલવિદા કહી દેશે. એક દાયકાથી વધુ સમયથી બ્રોડ ઇંગ્લેન્ડ ટીમનો એક મહત્વનો ભાગ રહ્યો છે. કેનિંગ્ટન ઓવલમાં જ્યારે તે છેલ્લી વખત બેટિંગ કરવા આવ્યો ત્યારે ચાહકો અને સાથી ખેલાડીઓએ તેને અનોખા અંદાજમાં વિદાય આપી હતી.
ઈંગ્લેન્ડ અને ઓસ્ટ્રેલિયાના ખેલાડીઓએ બ્રોડને ગાર્ડ ઓફ ઓનર આપ્યું
સ્ટુઅર્ટ બ્રોડે આંતરરાષ્ટ્રીય ક્રિકેટની છેલ્લી ઇનિંગમાં સિક્સર ફટકારી હતી. રવિવારે જ્યારે બ્રોડ જેમ્સ એન્ડરસન સાથે બેટિંગ કરવા બહાર આવ્યો. ત્યારે દર્શકો ઉભા થઈને તેનું અભિવાદન કર્યું હતું. જ્યારે ઈંગ્લેન્ડ અને ઓસ્ટ્રેલિયાના ખેલાડીઓએ બ્રોડને ગાર્ડ ઓફ ઓનર આપ્યું. એટલે કે મેદાનમાંથી તેમનું વિદાય એ 'રાજા' ની જેમ કરવામાં આવી હતી. આ દરમિયાન બ્રોડ ભાવુક જોવા મળ્યો હતો.
આંતરરાષ્ટ્રીય ક્રિકેટમાં બ્રોડનાં નામે 845 વિકેટ લેવાનો રેકોર્ડ નોંધાયેલો છે
સ્ટુઅર્ટ બ્રોડે 167 ટેસ્ટ, 121 ODI અને 56 T20 આંતરરાષ્ટ્રીય મેચ રમી છે. આંતરરાષ્ટ્રીય ક્રિકેટમાં બ્રોડનાં નામે 845 વિકેટ લેવાનો રેકોર્ડ નોંધાયેલ છે. બ્રોડે વર્ષ 2007માં શ્રીલંકા સામે પહેલી ટેસ્ટ મેચ રમી હતી. તેણે 167 ટેસ્ટ મેચમાં 602 વિકેટ લીધી હતી. ત્યારે બ્રોડે ટેસ્ટ વિકેટની સંખ્યામાં વધુ વધારો કરી શકે છે કારણ કે તે હજુ પણ પાંચમી ટેસ્ટ મેચમાં બોલિંગ કરી રહ્યો છે.
