- ડિજિટલ યુગમાં ઓનલાઈન ચુકવણાનું ચલણ વધ્યું
- G pay, phone pay, paytm સહિતની ઓનલાઈન એપ્સ થકી કરાઈ છે પેમેન્ટ
- છેતરપીંડીના વધતા કિસ્સાઓ વચ્ચે આ સાવધાની રાખવી
જો તમે પોતાના ફોનમાં UPI એપ્સનો ઉપયોગ કરો છો તો ફોનમાં સ્ક્રીન લોક રાખવાનું ભૂલતા નહીં. એટલું જ નહીં પેમેન્ટ એપમાં પણ પિન અથવા ફિંગરપ્રિંટ સેટ કરી લોક રાખવી. UPI પિન કોઇપણ ડિજિટલ ટ્રાન્જેક્શનનો સૌથી મહત્વનો ભાગ હોય છે. એવામાં આ પિનને ક્યાંય લખીને રાખવા કે સેવ કરવા ખતરનાક સાબિત થશે. ભૂલથી પણ આ પિનને કોઇપણ વ્યક્તિ સાથે શેર ન કરવા. જો ભૂલથી UPI પિન શેર થઇ ગયા તો તુરંત તેને બદલી નાખવા.
અજાણી લિંક પર ક્લિક ન કરવું
છેતરપીંડી કરનારાઓ લોકોને લૂંટવા માટે વિવિધ રીતો અપનાવતા થયા છે. અવાર નવાર એવું જોવા મળ્યું છે કે વિવિધ પ્લેટફોર્મ્સની મદદથી લોકોને એક લિંક મોકવામાં આવે છે. આ લિંક પર ક્લિક કરવાથી તમારું બેંક એકાઉન્ટ ખાલી થઇ શકે છે.
UPI એપને અપડેટ રાખવી
ખાસ ધ્યાન રાખવું કે તમારી UPI એપ્સને હંમેશા અપડેટ રાખવી. કારણ કે આ પેમેન્ટ એપની કંપનીઓ સમય-સમય પર નવા ફિચર્સ અપડેટ કરતાં હોય છે. જેમાં ઘણીવાર સિક્યોરિટી અપડેટ પણ હોય છે. આથી આ એપને અપડેટ કરતું રહેવું જોઇએ.
.jpg)
પૈસા મોકલ્યા પહેલા UPI ID ચેક કરવું
ડિઝિટલ એપ્સની મદદથી પેમેન્ટ કરતાં પહેલા રિસિવરની UPI IDને ચેક કરવાનું ભૂલવું નહીં. જો તમે નંબરની મદદથી પેમેન્ટ કરો છો તો પણ એક વખત નામ ચેક કરી લેવું.
