જૂથબંધી / કોંગ્રેસમાં ઘર્ષણ યથાવત, બેઠકમાં સોનિયા ગાંધીની સામે જ બાખડી પડ્યા આ બે દિગ્ગજ નેતાઓ

Nirav

Last Updated: 05:14 PM, 22 January 2021

FOLLOW ON

શેર કરો

કોંગ્રેસ પાર્ટીમાં ચાલી રહેલી આંતરિક જૂથબંધી વચ્ચે શુક્રવારે પાર્ટીની વર્કિંગ કમિટીની બેઠક થઇ હતી. બેઠકમાં જ્યાં નેતાઓએ જલ્દીથી આંતરિક ચૂંટણીઓ કરાવવાની અપીલ કરી હતી.

સોનિયા ગાંધીની અધ્યક્ષતામાં મળી હતી બેઠક
કોંગ્રેસ વર્કિંગ કમિટીની મળી હતી બેઠક
રાજસ્થાન સીએમ ગેહલોત અને આનંદ શર્મા બાખડી પડ્યા

કોંગ્રેસ પાર્ટીની વર્કિંગ કમિટીની બેઠકમાં આજે અમુક નેતાઓ દ્વારા પાર્ટીની અંદર આંતરિક ચૂંટણીઓ કરાવવાની અપીલ કરાવવામાં આવી હતી, ત્યારે રાજસ્થાન સીએમ અશોક ગેહલોત ગુસ્સે થયા હતા તેમણે સવાલ ઉઠાવતા આ નેતાઓને પૂછ્યું હતું કે ચૂંટણીની એટલી ઉતાવળ શા માટે છે? શું આ નેતાઓને સોનિયા ગાંધીના નેતૃત્વ પર ભરોસો નથી?

આનંદ શર્મા તરફથી ઉઠાવાયો હતો પાર્ટીમાં ચૂંટણીનો મુદ્દો

મહત્વનું છે કે આજે કોંગ્રેસ કમિટીની વર્કિંગ કમિટીની બેઠક મળી હતી, જેમાં વરિષ્ઠ નેતા આનંદ શર્માની ત્યારફ્થી સંગઠનમાં ચૂંટણીનો મુદ્દો ઉઠાવવામાં આવ્યો હતો, જો કે આ બાબતને લઈને રાજસ્થાનના મુખ્યમંત્રી અશોક ગેહલોત આક્રોશિત થઈ ગયા હતા, તેઓ લગભગ 15 મિનિટ સુધી બોલ્યા હતા, જેમાં તેમણે કહ્યું હતું કે આજે કૃષિ આંદોલન, મોંઘવારી અને અર્થવ્યવસ્થા જેવા ઘણા મુદ્દાઓ છે જેના ઉપર ફોકસ કરવું ઘણું જરૂરી છે, સંગઠનમાં ચૂંટણીની આટલી જલ્દી શું છે ?

નોંધનીય છે કે પાર્ટીમાં 23 નેતાઓનું એક ગ્રુપ ઘણા સમયથી પાર્ટીમાં ફૂલટાઈમ અધ્યક્ષની માંગણી કરી રહ્યું છે અને આ માટે તેમણે કોંગ્રેસ પ્રમુખ સોનિયા ગાંધીને પત્ર પણ લખ્યો હતો.જો કે બેઠકમાં રાહુલ ગાંધીએ કહ્યું હતું કે પાર્ટીને જલ્દીથી આ મુદ્દે શેડ્યૂલ કાઢવું જોઈએ, કેમ કે આ સિવાય ઘણા મુદ્દાઓ ખૂબ જ જરૂરી છે.