બ્રેકિંગ ન્યુઝ
લોકસભા ચૂંટણી 2024: પૂર્વ PAAS કન્વીનર અલ્પેશ કથીરિયા અને ધાર્મિક માલવિયા CR પાટીલની હાજરીમાં ભાજપમાં જોડાયા
લોકસભા ચૂંટણી 2024 / 'કોંગ્રેસ અને આપ પાર્ટીના લોકો જુઠ્ઠાણાં ચલાવે છે' અમિત શાહે વિપક્ષને આડે હાથ લીધું
લોકસભા ચૂંટણી: કેન્દ્રીય ગૃહમંત્રી અમિત શાહની ગોધરામાં વિજય સંકલ્પ સભા, જનસભામાં મોટી સંખ્યામાં લોકો ઉમટી પડ્યા
લોકસભા ચૂંટણી 2024: મુંબઈ નોર્થ સેન્ટ્રલથી પૂનમ મહાજનનું પત્તુ કપાયું, આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
VTV / બિઝનેસ / The Income Tax Department has given an alert, settle this work by March 15, otherwise there will be a fine
Vishal Khamar
Last Updated: 11:59 PM, 11 March 2023
પોતાની કમાણી પર ટેક્સ ભરવો એ દરેક જવાબદાર નાગરિકની ફરજ છે. તેનાથી ન માત્ર દેશનો વિકાસ જ થશે, પરંતુ સારા રસ્તાઓ હોસ્પિટલો જેવી સુવિધાઓ પણ સુનિશ્ચિત થાય છે. નાણાકીય વર્ષ દરમિયાન થયેલી કમાણી પર વર્ષના અંતમાં ટેક્સ ભરવાનો હોય છે. પરંતુ કેટલાક કિસ્સાઓમાં ટેક્સપેયર્સ અગાઉ પણ ટેક્સ જમા કરાવવો પડે છે જેને એડવાન્સ ટેક્સ કહે છે.
Gross Direct Tax collections for FY 2022-23 upto 10th March, 2023 are at Rs. 16.68 lakh crore, higher by 22.58% over gross collections for corresponding period of preceding yr.
— Income Tax India (@IncomeTaxIndia) March 11, 2023
Net collections at Rs. 13.73 lakh crore are 16.78% higher than net collections for same period last yr pic.twitter.com/wtxMsqm1LG
નજીક છે ડેડલાઈન
તમે એડવાન્સ ટેક્સ વિશે ઘણી વખત સાંભળ્યું હશે. ઈનકમ ટેક્સ વિભાગ સમય-સમય પર એડવાન્સ ટેક્સના આંકડા પણ જાહેર કરે છે. તેને એડવાન્સ ટેક્સ કહેવામાં આવે છે કારણ કે તે નાણાકીય વર્ષ પૂરું થાય તે પહેલાં ચૂકવવાનો હોય છે. ટેક્સપેયર્સના નાણાકીય બોજને ઘટાડવા માટે આ યોજના દાખલ કરવામાં આવી છે. આ હેઠળ તમે એક સાથે ભારે ભરખમ ટેક્સ ભરવાને બદલે ધીમે ધીમે ટેક્સ ચૂકવી શકો છો. આ વખતે એડવાન્સ ટેક્સ ભરવાની છેલ્લી તારીખ પુરી થવામાં હવે ગણતરીના દિવસો બાકી છે. આ કારણોસર આવકવેરા વિભાગે ફરી એકવાર તે તમામ ટેક્સપેયર્સને ચેતવણી આપી છે જેમણે એડવાન્સ ઇન્કમ ટેક્સ ભરવાની જરૂર છે.
ડિપાર્ટમેન્ટે કર્યું આ ટ્વિટ
ઈનકમ ટેક્સ વિભાગે હાલમાં જ એક ટ્વીટમાં કર્યું છે કે સાવધાન ટેક્સપેયર્સ. એડવાન્સ ટેક્સનો છેલ્લો હપ્તો ભરવાની છેલ્લી તારીખ નજીક છે. યાદ રાખો કે તમારે 15 માર્ચ 2023 સુધીમાં એડવાન્સ ટેક્સનો છેલ્લો અને ચોથો હપ્તો ભરવાનો રહેશે. તમને જણાવી દઈએ કે જો એડવાન્સ ટેક્સ ભરવાની શ્રેણીમાં આવતા ટેક્સપેયર્સ સમયમર્યાદા પહેલા ટેક્સ નહીં ચૂકવે તો તેમને દંડ ભરવો પડી શકે છે.
શું છે એડવાન્સ ટેક્સ
સૌથી પહેલા તમને જણાવી દઈએ કે એડવાન્સ ટેક્સ શું છે. એડવાન્સ ટેક્સ એ ઈનકમટેક્સ છે જેની ચૂકવણી ટેક્સપેયર્સે એક સાથે ન કરી ત્રિમાસિક સમયમાં ચૂકવવાની હોય છે. આવકવેરા કાયદા અનુસાર ટેક્સપેયર્સે નાણાકીય વર્ષમાં કમાયેલી આવકની ગણતરી કરવાની હોય છે. તેના આધાર પર ટેક્સ ચૂકવવો પડે છે. એટલે કે એડવાન્સ ટેક્સ એ જ નાણાકીય વર્ષ દરમિયાન ચૂકવવામાં આવે છે જેમાં તમે કમાણી કરો છો.
કોને એડવાન્સ ટેક્સ ભરવાની જરૂર છે
દરેક ટેક્સપેયર્સ જેમની એક નાણાકીય વર્ષમાં ટેક્સ ચૂકવણી 10,000 કે તેથી વધુ છે, તેણે એડવાન્સ ટેક્સ ચૂકવવો પડશે, પછી ભલે તે નોકરી કરતા હોય ધંધો કરતા હોય કે કોઈપણ વ્યવસાય સાથે સંકળાયેલો હોય. સેલેરીવાળા લોકોએ એડવાન્સ ટેક્સ ચૂકવવો પડતો નથી, કારણ કે એમ્પ્લોયર TDS કાપ્યા બાદ પગારની ચૂકવણી કરે છે. આવા કરદાતાઓએ એડવાન્સ ટેક્સ ત્યારે જ ચૂકવવો પડે છે જ્યારે તેમની પાસે પગાર સિવાયની બીજી કોઈ આવક હોય. જેમ કે ભાડાની આવક, વ્યાજ અથવા ડિવિડન્ડની આવક હોય ત્યાર ચૂકવવો પડે છે. સામાન્ય રીતે વેપારીઓ કે પ્રોફેશનલ્સ એડવાન્સ ટેક્સ ચૂકવે છે. 60 વર્ષથી વધુ ઉંમરના લોકોને એડવાન્સ ટેક્સ ભરવામાંથી મુક્તિ આપવામાં આવી છે. શરત એ છે કે તેમની પાસે કોઈપણ વ્યવસાય અથવા વ્યવસાયમાંથી આવક હોવી જોઈએ નહીં.
આ રીતે ભરવામાં આવે છે એડવાન્સ ટેક્સ
એડવાન્સ ટેક્સને ચાર ભાગમાં વહેંચવામાં આવે છે. પ્રથમ હપ્તો 15 જૂન, બીજો 15 સપ્ટેમ્બર સુધી, ત્રીજો હપ્તો 15 ડિસેમ્બર અને છેલ્લો હપ્તો 15 માર્ચ સુધીમાં જમા કરાવવાનો હોય છે. તમારે 15 જૂન સુધીમાં કુલ ટેક્સના 15 ટકા એડવાન્સ ટેક્સ તરીકે જમા કરાવવાના રહેશે. આ પછી 15 સપ્ટેમ્બર સુધીમાં 45 ટકા, 15 ડિસેમ્બર સુધીમાં 75 ટકા અને 15 માર્ચ સુધીમાં 100 ટકા ટેક્સ ભરવાનો રહેશે.
સમયમર્યાદા બાદ દંડ થાય છે
સમયસર એડવાન્સ ટેક્સ ભરવામાં ન આવે તો કલમ 234B અને કલમ 234C હેઠળ વ્યાજ ચૂકવવું પડશે. ધારો કે તમે 15 સપ્ટેમ્બરની અંતિમ તારીખ ચૂકી ગયા છો, તો તમારે 3 મહિના માટે વ્યાજ ચૂકવવું પડશે, જેનું વ્યાજ મહિને એક ટકા છે. જો કરદાતાએ વધુ એડવાન્સ ટેક્સ ભર્યો હોય તો તે આવકવેરા રિટર્ન ફાઇલ કરીને રિફંડનો ક્લેમ કરી શકે છે.
એડવાન્સ ટેક્સ ભરવાની પ્રક્રિયા
\એડવાન્સ ટેક્સ ભરવો ખૂબ જ સરળ છે. આ માટે તમારે ઈનકમ ટેક્સ વિભાગની ઈ-ફાઈલિંગ વેબસાઈટ (https://www.incometax.gov.in/) પર જવું પડશે અને e-Pay Tax વિકલ્પ પર ક્લિક કરવું પડશે. પાન નંબર અને મોબાઇલ નંબર દાખલ કરીને તમારે એડવાન્સ ટેક્સનો વિકલ્પ પસંદ કરવો પડશે. તમે નેટ બેંકિંગ અથવા ડેબિટ કાર્ડ દ્વારા ચૂકવણી કરી શકો છો. વૈકલ્પિક રીતે, તમે ચલણ નંબર 208 જનરેટ કરી શકો છો અને તેને અધિકૃત બેંક શાખામાં જમા કરીને એડવાન્સ ટેક્સ ચૂકવી શકો છો.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir