- ભારત સરકાર દ્વારા અનેક સ્માર્ટફોન પર મોકલાયો મેસેજ
- મેસેજ મોકલી Emergency Alert System નું ટેસ્ટિંગ કરાયુ
- બીપ અવાજ સાથે મેસેજ સ્ક્રીન પર દેખાયો હશે
ભારત સરકાર દ્વારા અનેક સ્માર્ટફોન પર એક ટેક્સ્ટ મેસેજ મોકલી Emergency Alert System નું ટેસ્ટિંગ કરવામાં આવ્યું હતું. આ મેસેજને લઈને ઘણા લોકો ચિંતામાં પરંતુ હવે તમારે ચિંતા કરવાની જરૂર નથી. તમે એક સ્માર્ટફોન યુઝર્સ છો તો થોડા સમય પહેલા તમને એક સ્ક્રીન મેસેજ આવ્યો હોય શકે છે. આ મેસેજ બીપ અવાજ સાથે સ્ક્રીન પર દેખાયો હશે. આ મેસેજ ઇમર્જન્સી વોર્નિંગ માટે ટેસ્ટિંગ હોવાનું સામે આવ્યું છે.
મેસેજમાં શું લખ્યું હતું ?
ભારત સરકારના ટેલિકોમ વિભાગ દ્વારા આ મેસેજ બ્રોડકાસ્ટિંગ સિસ્ટમના માધ્યમથી મોકલવામાં આવ્યો છે. આ સેમ્પલ પરીક્ષણ સંદેશ હોવાથી તેને ગંભીરતાથી લેવાની જરૂર નથી. કે તમારે એલર્ટ થવાની જરૂર નથી. આ સંદેશ ટેસ્ટ પેન-ઇન્ડિયા ઇમર્જન્સી એલર્ટ સિસ્ટમ દ્વારા કાર્યન્વીત કરવામાં આવ્યો છે. રાષ્ટ્રીય આપદા પ્રબંધ પ્રાધીકરણનો ઉદેશ્ય સાર્વજનિક સુરક્ષા વધારવા અને ઇમર્જન્સી સ્થિતિ સમયે એલર્ટ કરવા માટે છે.
સરકારે આ મેસેજનું ટેસ્ટિંગ કેમ કર્યું ?
ભારત સરકારની નેશનલ ડિઝાસ્ટર મેનેજમેન્ટ ઓથોરિટી દ્વારા આ મેસેજનું ટેસ્ટિંગ કરાઈ રહ્યું છે. આ પ્રયોગથી સરકાર સુરક્ષાને વધારવાનો પ્રયાસ કરી રહી છે. ઇમર્જન્સીની સ્થિતિમાં આ મેસેજથી એલર્ટ કરાશે. ભારત સરકાર નેશનલ ડિઝાસ્ટર મેનેજમેન્ટ ઓથોરિટીની સાથે મળીને કામ કરી રહી છે. જો તમને હાલમાં જ આ મેસેજ આવ્યો છે તો તમારે હાલ ચિંતા કરવાની જરૂર નથી. સુનામી, ભૂકંપ અને પૂર જેવી સ્થિતિમાં સરકાર તમને આ પ્રકારે મેસેજ કરીને અગાઉથી જ ચેતવણી આપશે.
