Kanguva Teaser / સાઉથની આ ફિલ્મનો ભયંકર ક્રેઝ! હજુ તો ટીઝર આવ્યું, અને આખા બજેટ કરતાં વધારે કમાણી થઈ ગઈ, મેકર્સની ચાંદી

• ફિલ્મ 'કંગુવા'નો ફર્સ્ટ લૂક રિલીઝ કરવામાં આવ્યો 
• સુપરસ્ટાર સૂર્યાના જન્મ દિવસના દિવસે આપી ભેટ
• આ વીડિયોમાં સૂર્યાનો ખતરનાક લુક જોવા મળ્યો 
• ફિલ્મનું બજેટ 350 કરોડ અને કમાણી કરી રૂ.500 કરોડ

સુપરસ્ટાર સૂર્યાની ફિલ્મ 'કંગુવા'નો ફર્સ્ટ લૂક તેના જન્મદિવસ પર રિલીઝ કરવામાં આવ્યો હતો. નિર્માતાઓએ તેને 'કાંગુવા ઝલક' નામ આપ્યું છે. ફિલ્મના આ વીડિયોમાં સૂર્યાનો ખતરનાક લુક જોવા મળ્યો હતો. આમાં તે યોદ્ધાની ભૂમિકામાં સૈનિકોને લીડ કરી રહ્યો છે. ફિલ્મનું ટીઝર હોલીવુડની ફિલ્મ '300 A.D.'ના યુદ્ધના દ્રશ્યોની યાદ અપાવે છે. ફિલ્મનું બેકગ્રાઉન્ડ મ્યુઝિક તમારા હૃદયના ધબકારા વધારી દે છે. એકંદરે 2 મિનિટથી વધુ લાંબા આ વીડિયોમાં ચાહકોને અધીરા બનાવી દેવામાં આવ્યા છે. લોકો સૂર્યાના લુક અને ફિલ્મના વખાણ કરી રહ્યા છે.

 

The fearless man.
The wild life.
The powerful story.
Get ready to witness it all...

The King is here 👑#GlimpseOfKanguva OUT NOW
▶ https://t.co/dsuz1nR3vi#HappyBirthdaySuriya@Suriya_offl @DishPatani @directorsiva @ThisIsDSP @StudioGreen2 @kegvraja @UV_Creations… pic.twitter.com/mlhAOiust2

— Kanguva (@KanguvaTheMovie) July 22, 2023

રિલીઝ પહેલા જ કરી લીધી કમાણી

આ દરમિયાન ફિલ્મના બજેટ અને તેના સેટેલાઇટ્સ અને ડિસ્ટ્રિબ્યુશન રાઇટ્સ અંગે નવા અપડેટ્સ આવ્યા છે. અહેવાલો અનુસાર આ ઝલકના આધારે સુર્યાની 'કંગુવા' એ બજેટ કરતાં વધુ કમાણી કરી છે. ફિલ્મનું બજેટ 350 કરોડ રૂપિયા હોવાનું કહેવાય છે, જ્યારે તેણે 500 કરોડ રૂપિયાની કમાણી કરી છે. OTT પ્લેટફોર્મ એમેઝોન પ્રાઇમ વીડિયોએ 80 કરોડ રૂપિયામાં 'કંગુવા'ના રાઇટ્સ ખરીદ્યા છે. તમને જણાવી દઈએ કે, પ્રાઇમ વીડિયોએ માત્ર દક્ષિણ ભારતીય ભાષાના ડિજિટલ અધિકારો જ ખરીદ્યા છે. પ્રાઇમ વિડિયોમાં હિન્દી અને અન્ય ભાષાઓના અધિકારો નથી. 'કંગુવા' હિન્દી, અંગ્રેજી, તમિલ, તેલુગુ, મલયાલમ, કન્નડ સહિત વિશ્વની 10 ભાષાઓમાં રિલીઝ થશે.

હિન્દી વર્ઝનના ડિસ્ટ્રિબ્યુશન રાઈટ્સ પેન સ્ટુડિયોએ 100 કરોડ રૂપિયામાં ખરીદ્યા

આ સિવાય ફિલ્મના હિન્દી વર્ઝનના ડિસ્ટ્રિબ્યુશન રાઈટ્સ પેન સ્ટુડિયોએ 100 કરોડ રૂપિયામાં ખરીદ્યા છે. એટલે કે ફિલ્મના હિન્દી વર્ઝનને રિલીઝ કરવાની જવાબદારી PEN ઈન્ડિયા લેશે. પેન સ્ટુડિયોએ 'સીતારમણ', 'આરઆરઆર', 'પીએસ 1-2' અને 'વિક્રમ' જેવી ફિલ્મોના થિયેટ્રિકલ રાઇટ્સ ખરીદ્યા હતા.

Soaring & Roaring HIGH! 🌋#GlimpseOfKanguva trending at #1 with over 25 Million real-time views!

ICYMI ▶ https://t.co/dsuz1nR3vi@Suriya_offl @DishPatani @directorsiva @ThisIsDSP @StudioGreen2 @kegvraja @UV_Creations @saregamasouth @KvnProductions @KanguvaTheMovie#Kanguva… pic.twitter.com/WGVIsxUsaS

— Kanguva (@KanguvaTheMovie) July 24, 2023

દિશા પટણી અને બોબી દેઓલ પણ જોવા મળશે

'કંગુવા'માં સુર્યા સિવાય દિશા પટણી છે. ફિલ્મમાં મુખ્ય વિલન વિશે કહેવામાં આવી રહ્યું છે કે બોલિવૂડ એક્ટર બોબી દેઓલ આ ભૂમિકા ભજવશે. આશ્રમ પછી તેને ઘણી બધી નેગેટિવ ભૂમિકાઓ મળી રહી છે. તેણે 'લવ હોસ્ટ' અને પવન કલ્યાણની હરિ હર મલ્લુમાં પણ વિલનની ભૂમિકા ભજવી છે. મળતી માહિતી મુજબ 'કંગુવા' 12 એપ્રિલ 2014ના રોજ રિલીઝ થશે.