NULL / ત્રિપલ તલાકનો ભોગ ભારતની ખ્યાતનામ હિરોઇન પણ બની છે કોણ છે અભિનેત્રી

છેલ્લા કેટલાક દિવસથી સમગ્ર દેશમાં ત્રિપલ તલાક મુદ્દે વિવિધ પ્રકારના મત મતાંતરો સેવાઈ રહ્યા હતા ત્યારે સુપ્રીમ કોર્ટે અંગે ચુકાદો સંભળાવતા કહ્યું હતું કે ત્રિપલ તલાકનો મુદ્દો ગેર બિનબઁધારણીય બાબત છે. આ ચુકાદાને ભારતભરની મહિલાઓએ હરેખભેર સ્વીકારી લીધો છે. લાંબી સુનાવણી બાદ સુપ્રીમ કોર્ટે આજે ટ્રીપલ તલાક પર મહત્વપૂર્ણ ચુકાદો આપ્યો છે. પાંચ જજની બેંચમાંથી 3 જજે ત્રિપલ તલાકને ગેરબંધારણીય ઠેરવ્યો હતો એટલે કે આ નિર્ણયની સાથે જ દેશમાં ત્રિપલ તલાક સમાપ્ત થયો હતો.

ત્રિપલ તલાક અને હલાલાનો ભોગ ભારતની એક ખ્યાતનામ અભિનેત્રી પણ બની હતી. 1 ઓગષ્ટ 1933ના રોજ મુંબઇ ખાતે જન્મેલી મહજબી બાનો આગળ જતા મીના કુમારીના નામે જાણીતી બની હતી. મીનાકુમારી નાઝના ઉપનામથી ખુબ જાણીતી હતી. તે ઉત્તમ કવિયત્રી અને ગાયક પણ હતી.

સમય જતા મીના કુમારીની ઓળખાણ પાકીઝા ફિલ્મના દિગ્દર્શક કમાલ અમરોહી સાથે એક દવાખાનામા થઈ અને 14 ફેબ્રુઆરી1952ના રોજ તે લગ્નમા પરીણમી. 19 વર્ષીય મીનાએ 34 વર્ષના ફિલ્મ દિગ્દર્શક કમાલ અમરોહી સાથે લગ્ન થયા. ગણ્યા ગાઠ્યા લગ્નજીવ બાદ એકવાર મીના કુમારીને તેમના પતિએ ગુસ્સામાં આવીને ત્રિપલ તલાક આપ્યા આ ઘટનાથી તે ખુબ વ્યથીત થઈ કારણકે ધર્મના નામ પર સ્ત્રીઓ સાથે આવો વ્યવહાર તે સહી ના શકી. 1964મા બંનેના છુટાછેડા થયા. આ સમગ્ર ઘટના બાદ મીનાકુમારી ખુબ પડી ભાંગી હતી. અંતે મીના સીગારેટ અને દારુના રવાડે ચડી ગઇ. એકલવાયુ જીવન જીવતી મીના કુમારી ફક્ત 39 વર્ષની નાની ઉંમરે 31 માર્ચ 1972માં ફાની દુનિયા છોડીને જતી રહી હતી. મીનાને તેની કારકિર્દી દરમિયાન એક ફિલ્મફેર એવોર્ડ પણ મળ્યો છે.

આજે ત્રિપલ તલાકના સુપ્રિમે આપેલ ચુકાદા દ્વારા મીનાકુમારી જેવી કેટલીય મહિલાઓને ન્યાય મળ્યો છે. આ નિર્ણયને ભારત સહિત વિશ્વના કેટલાક રાષ્ટ્રોએ પણ વખાણ્યો છે. સુપ્રિમ કોર્ટે આ સાથે સરકારને હુકમ પણ કર્યો છે કે આ અંગે 6 માસની અવધીમાં એક ખાસ કાયદો બનાવે.