આગાહી / આવતીકાલે દ. ગુજરાતમાં વરસાદની આગાહી: અન્ય કેટલાંક વિસ્તારોમાં પણ છૂટાછવાયો ત્રાટકશે, શું કહે છે હવામાન વિભાગ

• આગામી 5 દિવસ રાજ્યમાં છૂટા છવાયા વરસાદની આગાહી
• આવતીકાલે દક્ષિણ ગુજરાતમાં વરસાદની આગાહી
• અમદાવાદ અને ગાંધીનગરમાં પણ છૂટા છવાયા વરસાદની આગાહી

 હવામાન વિભાગ દ્વારા આગામી 5 દિવસ રાજ્યમાં છૂટા છવાયા વરસાદની આગાહી કરી છે. આવતીકાલે દક્ષિણ ગુજરાતમાં વરસાદની આગાહી કરવામાં આવી છે. અમદાવાદ અને ગાંધીનગરમાં પણ છૂટા છવાયા વરસાદની આગાહી છે. હાલ તો રાજ્યમાં કોઈ સિસ્ટમ સક્રિય નથી જેથી ભારે વરસાદ નહિ પડે. રાજ્યમાં અત્યાર સુધી 93 ટકા જેટલો વરસાદ નોંધાઈ ચૂક્યો છે. 15 મી ઓગસ્ટે રાજ્યનું વાતાવરણ વાદળછાયું રહેશે. દક્ષિણ ગુજરાત અને સૌરાષ્ટ્રમાં સામાન્ય વરસાદ રહેશે. 

આજે ગુજરાતમાં અનેક સ્થળોએ વરસાદની આગાહી 
હવામાન વિભાગ દ્વારા આજે રાજ્યના કેટલાક સ્થળે વરસાદની આગાહી કરાઇ છે. આજે સુરત, તાપી, ડાંગ, નવસારી, ભરૂચ, નર્મદા, છોટાઉદેપુર, વડોદરા, આણંદ, ખેડા, પંચમહાલ અને દાહોદમાં વરસાદ પડી શકે છે. આ સાથે સાબરકાંઠા, બનાસકાંઠા, મહેસાણા, પાટણ અને ગાંધીનગરમાં વરસાદની આગાહી કરાઇ છે. આ તરફ અમદાવાદ, અરવલ્લી, મહીસાગર, રાજકોટ, અમરેલી, ગીર સોમનાથ, જૂનાગઢ અને પોરબંદરમાં વરસાદની સંભાવના છે. 

માછીમારોને દરિયો ન ખેડવાની સૂચના
હવામાન વિભાગની આગાહી મુજબ, આગામી 5 દિવસ સૌરાષ્ટ્રમાં સામાન્યથી મધ્યમ વરસાદ વરસી શકે છે. સાથે જ અમદાવાદ અને ગાંધીનગરમાં પણ સામાન્ય વરસાદની આગાહી હવામાન વિભાગ દ્વારા કરવામાં આવી છે. આગામી 5 દિવસ દરિયાકાંઠે ભારે પવન ફૂંકાવવાની સંભાવના પણ છે. જેના કારણે આવતીકાલે માછીમારોને દરિયો ન ખેડવાની સૂચના આપવામાં આવી છે.