ક્રાઈમ / ડાંગમાં 14 વર્ષની સગીરા પર 9 છોકરાઓએ કર્યો રેપ, વીડિયો વાયરલ થતા મામલો બહાર આવ્યો, આરોપીઓની ધરપકડ

• ડાંગ જિલ્લામાં હેરાન કરી દેનાર ઘટના
• બે મહિના પહેલા 14 વર્ષની બાળકી પર થયો રેપ
• છોકરાઓએ રેપનો વીડિયો બનાવ્યો, સોશિયલ મીડિયા પર કર્યો પોસ્ટ
• રેપ પછી છોકરાઓએ પીડિતાને આપી ધમકી, છોકરી ચૂપ રહી
• સોશિયલ મીડિયા પર વીડિયો વાયરલ થયા બાદ પોલીસે આરોપીની કરી ધરપકડ 

ડાંગ જિલ્લામાં બનેલી એક અત્યંત ચકચારી ઘટનામાં 14 વર્ષીય સગીરા પર 9 છોકરાઓએ રેપ કર્યો હતો. રેપની ઘટના લગભગ 2 મહિના પહેલી બની હતી પરંતુ જ્યારે પીડિતાના એક સગાએ સોશિયલ મીડિયા પ્લેટફોર્મ પર રેપનો વીડિયો જોયો ત્યારે આ ઘટના પ્રકાશમાં આવી હતી. 

શું છે ઘટના
ડાંગમાં લગભગ 2 મહિના પહેલા 14 વર્ષીય છોકરી પર 9 છોકરા પર રેપ કર્યો હતો. પોલીસ નિરિક્ષક એન.એચ.સવસેતાએ જણાવ્યું કે આહવા તાલુકામાં સૌથી પહેલા પીડિતા પર તેના દોસ્તે રેપ કર્યાં. આરોપી લગ્ન સમારોહમાં સામેલ થયા બાદ તેના ગામ પાછો જતો હતો ત્યારે તેણે આ કૃત્ય આચર્યું હતું. 
ત્યાર બાદ આ મિત્રે તેની રાહ જોઈ રહેલા તેના 8 મિત્રોને આ અંગે જાણ કરી હતી ત્યાર બાદ બધા ભેગા મળીને પીડિતાને જંગલમાં લઈ ગયા હતા અને જ્યાં તમામે વારાફરતી સગીરા પર રેપ કર્યો હતો. પોલીસ અધિકારીએ કહ્યું કે એક આરોપીએ તેના મોબાઈલમાં રેપનો વીડિયો બનાવ્યો હતો. કેટલાક લોકોને આવતા જોઈને આરોપી પીડિતાને ત્યાંને ત્યાં પડતી મૂકીને ફરાર થઈ ગયા હતા. 

આરોપીઓએ રેપનો બનાવ્યો વીડિયો, સોશિયલ મીડિયા પર વાયરલ થયો
આરોપીઓએ પીડિતા સાથેનો રેપનો વીડિયો પણ બનાવ્યો હતો અને તે સોશિયલ મીડિયા પર વાયરલ થતા પોલીસ જાગી હતી અને 24 ડિસેમ્બરે તમામ આરોપીઓને ઝડપી પાડ્યાં હતા. 

રેપ બાદ પીડિતાને મળી ચૂપ રહેવાની ધમકી
અધિકારીએ જણાવ્યું કે રેપ કર્યા બાદ આરોપી છોકરાઓએ તેને ચૂપ રહેવાનું જણાવ્યું હતું અને જો મોં ખોલશે તો જાનથી મારી નાખવાની પણ ધમકી આપી હતી. ધમકીની બીકે પીડિતા બે મહિના સુધી ચૂપ રહી હતી પરંતુ જ્યારે તેના એક સગાએ ગેંગરેપનો વીડિયો જોયો ત્યારે આખો મામલો પ્રકાશમાં આવ્યો હતો અને 23 ડિસેમ્બરે એફઆઈઆઈ દાખલ કરવામાં આવી હતી.