NULL / ગાંધીનગર જિલ્લામાં સ્વાઇનફ્લૂમાં રાહત વધુ એક પણ કેસ નહીં પોઝિટિવ

ગાંધીનગરઃ સ્વાઇન ફ્લૂનો આતંક સમગ્ર ગુજરાતમાં ફેલાયો હતો. પરંતુ ધીરે ધીરે સ્વાઇન ફ્લૂના કેસમાં ઘટાડો નોધાઇ રહ્યો છે. જે સુખદ બાબત છે. ગાંધીનગર સહિત અન્ય જિલ્લાઓમાં પણ ક્યાંય કેસ પોઝિટિવ જોવા મળ્યો નથી. સાથોસાથ સ્વસ્થ થઇ હોસ્પિટલો માંથી રજા આપી હોવાના પણ દાખલાઓ વધ્યા છે. ગાંધીનગર જિલ્લામાં આવા સારૃ થઇ ગયું હોય તેવા દર્દીઓનો ક્યોરરેટ વધીને ૮૬ ટકા થઇ ગયો છે.

જ્યારે શ્રાવણ મહિનામાં એક બાજુ ભેજવાળું વાતાવરણ તો બીજીબાજુ રજાના દિવસોમાં મેળા સહિત અન્ય ટ્રાન્સ્પોર્ટેશન વધતા આ અતિચેપી વાયરસ ઝડપથી ફેલાયો હતો અને એક જ દિવસમાં ૧૨થી ૧૪ દર્દીઓ પણ જિલ્લામાં નોંધાયા હોવાના કિસ્સા બન્યા હતા.

જો કે વાતાવરણમાંથી ભેજ ગાયબ થવા ઉપરાંત સ્વાઇનફ્લૂ વરોધી ઉકાળા સહિતની પ્રતિરોધક દવાઓનું વિતરણ કરવાને પગલે કેસમાં ઘટાડો થઇ રહ્યો હતો. પરંતુ તે દરમિયાન ફરી વરસાદી વાતાવરણ સર્જાતા તા.૨૦મી પછી સ્વાઇનફ્લૂના કેસ વધ્યા હતા.

ઉલ્લેખનીય છે કે ગાંધીનગર શહેરી વિસ્તારમાં સ્વાઇનફ્લૂના કારણે પાંચ વ્યક્તિઓના મોત જ્યારે જિલ્લામાં ૧૭ દર્દીઓના મોત થયા છે.