NULL / સુરતની નેશનલ લેવલની જિમ્નાસ્ટીક રમનાર પૂજા શાહ લેશે દીક્ષા સંસાર કરતા સંયમનું પલડું ભારે થતાં...

vtvAdmin

Last Updated: 06:54 PM, 30 March 2019

FOLLOW ON

શેર કરો

NULL

સુરતઃ સંયમનો મારગ ખાંડાની ધાર પર ચાલવાનો છે. કોઈ વિરલા જ તેમાંથી પરા ઉતરે છે. પરંતુ તમામ સુખ સુવિધાઓ વચ્ચે ઉછરતાં ઉછરતાં ભર જુવાનીમાં અને ચળકતી કારકિર્દી વચ્ચે ભૌતિક સુખનો ત્યાગ કરી સંન્યસ્તના પંથે પ્રસ્થાન કરવા માટે મન બનાવી લેવું એ કામ જાગૃતિ અને હિંમત માગી લે તેવું છે. આ કળજુગમાં પણ ઘણા એવા વિરલા છે જેણે સન્યસ્તનો માર્ગ ગ્રહણ કરવા મન બનાવી લીધું છે.

કોણ છે આ સંન્યસ્તનો પ્રવાસી?
સુરતની નેશનલ લેવની જિમ્નાસ્ટ પૂજા શાહ... આ યુવતી સંયમના માર્ગે પ્રસ્થાન કરવાની તૈયારી કરી રહી છે. સુરતમાં ધોરણ- 7 સુધી નેશનલ લેવલની જિમ્નાસ્ટીક ગેમ રમનાર પૂજા શાહ દીક્ષા લેવાની છે. આગામી 14 ફેબ્રુઆરીના રોજ પૂજા પોતાના ગુરુજીના સાનિધ્યમાં દીક્ષા લેવાની છે. પૂજાની ઉંમર હાલ 22 વર્ષની છે. તેણી હાલ માસ્ટર ઓફ કોમર્સના પ્રથમ વર્ષમાં અભ્યાસ કરી રહી છે. તેને સંયમનો માર્ગ સાચો લાગે છે. સંસાર અને સંયમમાં સંયમનું પલડું ભારે થતા પૂજાએ આ રસ્તો અપનાવ્યો હોવાનું તે જણાવી રહી છે.

પૂજા શાહ ભણવામાં હોશિયાર હતી અને તેને એમ.કોમ સુધી અભ્યાસ કર્યો હતો. પૂજા શાહ માસ્ટર ઓફ કોમર્સના પ્રથમ વર્ષમાં હતી. ત્યારે તેને આચાર્ય ગુણરત્નસૂરિ મહારાજની વાંચનાઓને સાંભળી હતી. બાદમાં તે તેમનાથી પ્રભાવિત થઈ હતી. સંસાર અને સંયમના માર્ગનો અભ્યાસ કર્યો. તેમાં સંયમનું પલડું ભારે થયું અને પૂજા શાહે દીક્ષા લેવાની પ્રેરણા થઈ. પૂજાના આ પગલાથી પરીવારજનોને કોઈ વાંધો ન હોવાનું કહી રહ્યા છે. પૂજાના માતા-પિતા પણ માને છે કે પોતાની પુત્રી ધર્મના માર્ગે જાય છે તો તેમને તે વાતની ખુશી છે. જો કે ગુણરત્નસૂરિ મહારાજની વાંચનાઓને સાંભળી પ્રભાવિત થનાર પૂજા અગાઉ તેમના ફોઈએ પણ મહારાજ પાસે દીક્ષા ગ્રહણ કરી હતી.

સંકળાયેલા મુદ્દાઓ