સુરતમાં મહિલા પતિથી છૂટછેડા લેવા મામલે વકીલના હવસનો શિકાર બની છે. એક મહિલા તેના પતિથી છૂટાછેડા ઈચ્છતી હતી, જેના કારણે તે મહિલાએ વકીલ આસ્તિક છાયાણીનું સંપર્ક કર્યો હતો. જો કે, આ નરાધમે વકીલ મહિલા પર દુષ્કર્મ આચર્યું હોવાની પોલીસ ફરિયાદ નોંધાઈ છે.
છૂટાછેડા લેવા ઈચ્છતી મહિલા પર વકીલે આચર્યુ દુષ્કર્મ
હવસખોર વકીલે પતિ સાથે છૂટાછેડા કરાવી આપવાની લાલચ આપી મહિલા પર અનેક વાર દુષ્કર્મ આચર્યું હતું. અત્રે જણાવીએ કે, 4 મહિના અગાઉ જ પરિણીતાના લગ્ન થયા હતા. પરિણીતાએ પતિ સાથેની વાતચીતમાં સમગ્ર હકિકત જણાવી હતી. પોલીસે વકીલ આસ્તિક છાયાણી વિરુદ્ધ ફરિયાદ નોંધાવી વધુ કાર્યવાહી હાથ ધરી છે.
વાંચવા જેવું: 'ગૂગલ મને ખાવાની ના પાડે છે, કહે છે મરી જા', અને યુવતીએ કરી લીધો આપઘાત, સુરતનો વિચિત્ર બનાવ
4 મહિના અગાઉ જ પરિણીતાના થયા હતા લગ્ન
લગ્નના માત્ર ચાર મહિનામાં જ પતિ સાથે કટરાગ થતા છુટાછેડા લેવા ઈચ્છતી પરણીતા પર વકીલ દુષ્કર્મ આચર્યું હતું. પરણીતાના લગ્નના 4 મહિના બાદ તે છૂટાછેડા લેવા ઈચ્છતી હતી. પતિ-પત્ની વચ્ચે ખટરાગ થતાં પત્ની ફરિયાદ કરવા પુર્ણા પોલીસ સ્ટેશન પહોંચી હતી. જ્યાં તેની ઓળખાણ વકીલ આસ્તિક છાયાણી સાથે થઈ હતી. ત્યારબાગદ વકીલે છાયાણીએ પરણીતાને કામરેજના કુરસદ ગામના એક ફાર્મ હાઉસમાં લઈ જઈ દુષ્કર્મ આચર્યું હોવાની વિગતો સામે આવી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
