- ગુજરાત યુનિવર્સિટીમાં પદવીદાન સમારોહ
- રાજ્યપાલની વિદ્યાર્થીઓને ટકોર
- 'અત્યારે ધર્મની વ્યાખ્યા બદલાઈ ગઈ'
આજે ગુજરાત યુનિવર્સિટીમાં પદવીદાન સમારોહનું આયોજન કરવામાં આવ્યું હતું. જેમાં 167 વિદ્યાર્થીઓને ગોલ્ડ મેડલ એનાયત કરવામાં આવ્યા હતા. જેમાં 2 વિદ્યાર્થિનીને 8 ગોલ્ડ મેડલ અને એક વિદ્યાર્થિનીએ 10 ગોલ્ડ મેડલ મેળવ્યા હતા. જેમાં રાજ્યના રાજ્યપાલ આચાર્ય દેવવ્રત સહિતના જોડાયા હતા.તેઓએ યુવાનોને ટકોર કરતા કહ્યું કે, વિદ્યાર્થીઓએ નૈતિક મુલ્યોને ભૂલવા જોઈએ નહીં.
167 વિદ્યાર્થીઓને ગોલ્ડ મેડલ એનાયત કરાયા
ગુજરાત યુનવર્સિટીના પદવીદાન સમારોહમાં વિદ્યાર્થીનીઓનો દબદબો જોવા મળ્યો હતો. કુલ 167 વિદ્યાર્થીઓને ગોલ્ડ મેડલ એનાયત કરવામાં આવ્યા હતા.પદવીદાન સમારોહમાં મુખ્ય મહેમાન તરીકે રાજ્યના રાજ્યપાલ આચાર્ય દેવવ્રતએ યુવાનોને ટકોર કરી કે આજે જ્યાં ભણેલા હોય છે ત્યાં વધારે વૃદ્ધાશ્રમ જોવા મળી રહ્યા છે અને જ્યાં ભણેલા હોય છે ત્યાં વૃદ્ધાશ્રમની પરિસ્થિતિ ઉભી નથી થતી. જેથી ભણ્યા બાદ નૈતિક મુલ્યો ને ભુલવા ન જોઈએ.
રાજ્યપાલ આચાર્ય દેવવ્રતજી એ ગુજરાતીઓના વખાણ કર્યા
વધુમાં સમારોહમાં મુખ્ય મહેમાન તરીકે હાજર રહેલા રાજ્યપાલ આચાર્ય દેવવ્રતે વિદ્યાર્થીઓને કેટલીક મહત્વપૂર્ણ બાબતો પણ કહી. તેમને કહ્યું કે ધર્મ નો મતલબ ધર્મ ની વ્યાખ્યા આજે બદલાઈ છે પરંતુ માનવતા આપડો ધર્મ છે માણસાઈ છે, ધર્મ અપનાવીએ કે ક્યાય દ્વેષ કે આતંકવાદ ન રહે ! જીવનમાં ગમે તેટલું ભણે પરંતુ ગુરુજનો માતા પિતા અને મોટાનું આદર ન કરે તો તે ભણવાનું મતલબ નથી રહેતો.રાજ્યપાલ આચાર્ય દેવવ્રતજી એ ગુજરાતીઓના વખાણ કર્યા હતા. જેમાં વિધાનસભા ચૂંટણીના સંદર્ભમાં નિવેદન આપ્યું હતું કે ગુજરાતીઓને સલામ કે તેઓ પોતાના અને પારકાનો ફરક સમજે છે.
